Recoñecemento ao traballo do Squash Pontevedra tras o título nacional absoluto de Marta Domínguez
Por Redacción
Poucos clubs poden presumir de conseguir vencer o Campionato de España Absoluto de Squash con dúas xogadoras diferentes e con poucos anos de diferenza.
Si o pode dicir o Squash Pontevedra, grazas primeiro a unha veterana como Xisela Aranda e agora a unha xogadora formada desde hai anos nas súas filas, Marta Domínguez.
A deportista viguesa creceu deportivamente na Boa Vila ata converterse con só 19 anos en campioa nacional, vencendo no campionato celebrado a pasada fin de semana en Barcelona.
Ese triunfo, que se suma ao subcampionato conseguido en 2019, supón todo un reforzo ao traballo dun club humilde como o pontevedrés.
Ese esforzo quixo ser tamén recoñecido este xoves cunha recepción oficial no Concello de Pontevedra ofrecida polo alcalde, Miguel Anxo Fernández Lores, e o edil de Deportes, Tino Fernández, á protagonista da fazaña e tamén ao seu adestrador e alma máter do club, Miguel Novegil.
Relacionadas:
-
"Emoción" no Squash Pontevedra pola inclusión do seu deporte no programa olímpico: "Para nós é un boom"
Por Diego Espiño |
-
Marta Domínguez revalida na casa o seu título autonómico de squash, con Pablo Quintana como subcampión
Por Redacción & Cristina Saiz |
-
Marta Domínguez, do Squash Pontevedra, subcampioa da Copa de España
Por Redacción |
-
A xogadora do Squash Pontevedra Marta Domínguez consegue o seu primeiro título continental absoluto
Por Redacción |
-
Ouro e bronce para o Squash Pontevedra na Copa Ibérica
Por Redacción |
-
O Squash Pontevedra presume con Marta Domínguez de campioa de España absoluta
Por Redacción |
-
Caínzos e González, do Squash Pontevedra, triunfan no campionato galego sub 15
Por Redacción |
-
Marta Domínguez, do Squash Pontevedra, proclámase subcampioa de España absoluta
Por Redacción |