Silvia Aguete pon fin á súa etapa no Poio Pescamar
Por Diego Espiño
O Poio Pescamar di adeus a unha das súas xogadoras máis importantes e clave no crecemento do club nos últimos anos, Silvia Aguete.
A gardameta pontevedresa, internacional coa Selección Española e nomeada en 2020 mellor porteira do mundo (premio correspondente á campaña anterior), non seguirá defendendo a camiseta do club vermello, poñendo fin ao seus 34 anos a oito campañas nas súas filas repartidas en dúas etapas.
Trátase da primeira baixa confirmada no equipo unha vez finalizada a tempada.
"Só temos palabras de agradecemento e desexámoslle o maior dos éxitos nos seus próximos proxectos. Esperamos que algún día os nosos camiños se crucen para un novo proxecto deportivo", sinalou a entidade da Seca tras confirmar a súa saída.
Silvia Aguete chegou na tempada 2012/2013 ao Poio Pescamar procedente do Leis, club no que permaneceu ata o de agora cun breve parón dun ano (tempada 15/16), sendo peza indiscutible para todos os seus adestradores.
Durante ese tempo, ademais de levantar dous títulos da Copa Xunta co seu club e chegar a unha final da Copa da Raíña, Aguete defendeu a portería da Selección Española, coa que se proclamou campioa de Europa en 2019.
Relacionadas:
-
Irene renova e cumprirá a súa cuarta tempada no Poio Pescamar
Por Redacción |
-
Dani Sousa e Luci únense á lista de renovacións no Poio Pescamar
Por Diego Espiño |
-
Caridad e Ana Rivera, primeiras renovacións no Poio Pescamar
Por Diego Espiño |
-
A reestruturación do Poio Pescamar empeza polas saídas: Antía Pérez, Mirian e Clara
Por Diego Espiño |
-
Silvia Aguete, tras a súa saída do Poio Pescamar: "Espero seguir jugando mientras me encuentre bien y las lesiones me lo permitan"
Por Diego Espiño |
-
O Poio Pescamar queda ás portas de disputar o play-off polo título tras a derrota ante Alcorcón (1-3)
Por Almu Dapena & Cristina Saiz |
-
Silvia Aguete recibe meses despois o seu premio como mellor gardameta do mundo
Por Redacción |
-
Silvia Aguete, nomeada mellor gardameta do mundo: "Que la gente reconozca tu trabajo es un orgullo"
Por Diego Espiño |