Dobre representación da arbitraxe pontevedresa na Primeira RFEF
Por Diego Espiño
A arbitraxe pontevedresa está de parabén, e contará con representación nas novas categorías creadas pola Real Federación Española de Fútbol, a Primeira RFEF e a Segunda RFEF.
Na primeira delas, que pasa a ser o terceiro chanzo do balompé nacional, dous serán os colexiados do CTA de Pontevedra, segundo confirmou Comité Técnico de Árbitros.
Trátase de Alberto Gómez Lameiro e Daniel Pastoriza Iglesias, ambos os dous con tres tempadas ás súas costas na Segunda B. O primeiro deles, Alberto Gómez, foi premiado ademais esta campaña polo seu bo labor sendo un dos 24 colexiados escollidos para a fase de ascenso a Segunda División.
Xunto a eles na Primeira RFEF estarán catro asistentes galegos: David Fernández Blanco (Ourense), Brais García Valín (Lugo), Gonzalo Gómez Lemos (Lugo) e Cristian Vázquez Martínez (Vigo).
Non terminan aí as boas noticias para o CTA de Pontevedra, e é que un dos seus afiliados, Álvaro Juncal Moreira, logrou ascender á Segunda RFEF tras superar con boa nota o Programa de Talentos 2021, no que tamén certificaron o seu salto de categoría outros tres colexiados galegos.
Relacionadas:
-
O árbitro pontevedrés Álvaro Juncal e o asistente Sergio Doval estarán no play-off de ascenso a Primeira RFEF
Por Diego Espiño |
-
Os árbitros pontevedreses de categoría nacional, en plena forma
Por Redacción |
-
Homenaxe a Alejandro Muñiz tras o seu ascenso a Primeira División
Por Redacción |
-
O árbitro pontevedrés Alejandro Muñiz ascende a Primeira División: "Aún me tiembla todo"
Por Diego Espiño |
-
O pontevedrés Alberto Gómez, entre os árbitros designados para a fase de ascenso a Segunda División
Por Redacción |
-
O pontevedrés Alejandro Muñiz recibe o Trofeo Guruceta ao mellor árbitro da Segunda División
Por Redacción |
-
O pontevedrés Alejandro Muñiz, entre a arbitraxe e o seu traballo de Policía en Madrid en plena alerta sanitaria
Por Diego Espiño |