O Trofeo Xacobeo de Piragüismo vence o mal tempo na súa primeira edición
Por Redacción
O río Lérez e o complexo deportivo David Cal de Verducido convertéronse este sábado en sede da primeira edición do Trofeo Xacobeo 2021-Xogade de Piragüismo, onde participaron ao redor de 1.500 deportistas, de entre 6 e 16 anos, chegados de diferentes partes de España e Portugal.
A xornada, marcada pola choiva e o frío, iniciouse ás 10:00 horas coa proba de categoría infantil nas inmediacións da praia fluvial, aos que seguiron, ás 15:30 horas, os padeeiros de categorías alevín, benxamín e prebenxamín.
A regata internacional concluíu coa participación dos cadetes a partir das 16:30 horas en Verducido.
Este evento foi un dos eventos programados por Turismo para promocionar o Camiño de Santiago e os seus valores neste Ano Xacobeo. Ademais, serviu para demostrar a importancia da actividade física e, en concreto, do piragüismo como deporte seguro.
Relacionadas:
-
O II Trofeo Internacional Xacobeo reunirá no Lérez a máis dun milleiro de piragüistas galegos e portugueses
Por Redacción |
-
A Regata Internacional Xacobeo de piragüismo obriga a pechar ao tráfico un tramo da avenida Bos Aires
Por Redacción |
-
Pontevedra será sede do Trofeo Xacobeo de Piragüismo no que participarán 1500 deportistas de España e Portugal
Por Almu Dapena & Cristina Saiz |