O Arosa é equipo de Segunda RFEF tras superar o Somozas na final polo ascenso (2-0)
Por Almu Dapena & Cristina Saiz
O Arosa xa é equipo de Segunda RFEF tras impoñerse ao Somozas por dous goles a cero na Lomba. O equipo de Rafa Sáez sentenciou na primeira metade con goles de Javi Fontán e Kilian e conmemora co ascenso de categoría, 28 anos despois, o seu 75 aniversario.
Saíu a por todo o equipo arlequinado, arroupado por unha afección que non cesou de animar desde o minuto uno e ata o asubío final. Así, aos cinco minutos xa tivo a primeira ocasión por mediación de Pedro Beda, que aproveitou un erro defensivo no pase ao gardameta pero o seu disparo saíu desviado a córner.
Pouco despois, no minuto 7, o Arosa si que viu porta. Javi Fontán entrou pola banda, cedeu a Kilian que lle devolveu o esférico para que batese a Marcos Souto. A afección celebrou o gol como unha vitoria, pero aínda quedaba moito por diante.
Apertou un pouco máis o Somozas, que se estaba vendo superado polos locais e ao que os nervios estaban a traizoar, cometendo faltas perigosas que estaban a custar tarxeta amarela.
Os de Rafa Sáez estaban a gozar do seu xogo, xerando perigo na área visitante sobre todo por parte de Kilian, que sentenciou no minuto 25 co segundo gol do partido.
O Somozas estaba derrotado, o técnico pedía un pouco máis ao seus pero o Arosa non daba por perdido un só balón.
Na segunda metade o técnico local fixo os cambios pertinentes fortalecendo ao seu equipo en tarefa defensiva e gañar o partido que daba o ascenso a Segunda RFEF 28 anos despois. E vaia ano para celebralo, o do 75 aniversario.
AROSA (2): Álex Cobo, Javi Fontán (Campillo, min. 85), Piay, Ross, Cotilla, Sidibé, Pedro García, Mon (Pablo Pillado, min. 85), Julio Rey (Adrián Gómez), Kilian (Jorge Fajardo, min. 64) e Pedro Beda (Joel Sanabria, min. 78).
SOMOZAS (0): Marcos Souto, Toni (Bruno Bellas, min. 70), Pacheco, Garrido, Cabarcos, Leira (Dani, min. 70), Novoa, Marcos Álvarez, Pablo Rey, Luís Chacón e Luís Nuño (Iago Blanco, min. 64).
Relacionadas:
-
O alcalde de Vilagarcía propón o Arosa para a Medalla de Ouro da Cidade
Por Redacción |
-
O Arosa pon en marcha a súa campaña de abonados para a tempada 21/22
Por Redacción |
-
Julio Rey e Sidibé estrean as renovacións no Arosa
Por Redacción |
-
Jorge Otero regresa ao Arosa para afrontar o reto da Segunda RFEF
Por Diego Espiño |
-
Rafa Sáez deixa o seu cargo como adestrador do Arosa e pasa aos despachos
Por Diego Espiño |
-
Loito no Arosa polo falecemento do seu socio número un, Víctor Méndez Castro
Por Redacción |
-
Galicia, Asturias, Madrid e Castela e León: Así será o grupo da Segunda RFEF para Pontevedra e Arosa
Por Diego Espiño |
-
O Arosa xa ten rival, día e hora para a final polo ascenso á Segunda RFEF
Por Redacción |
-
O Arosa aguanta con 9 xogadores contra o Estradense e xogará a final polo ascenso a 2ª RFEF (0-0)
Por Almu Dapena |
-
Vilagarcía vela armas para vivir o play-off do Arosa: "A cidade vai estar volcada"
Por Redacción |