A Selección Española de Balonmán volve a Sanxenxo para a segunda e última fase da súa preparación olímpica
Por Diego Espiño
Despois de só uns poucos días de descanso, a Selección Española de Balonmán volveu a establecer o seu cuartel xeral en Sanxenxo para preparar a súa próxima participación nos Xogos Olímpicos de Tokyo.
Os Hispanos quedaron concentrados a última hora do domingo e este luns achegáronse ata Pontevedra para exercitarse, dando comezo así á súa última e definitiva fase de preparación.
¡Los #Hispanos ya están concentrados para la segunda fase de preparación antes de viajar a los @juegosolimpicos @Tokyo2020es!
— RFEBalonmano (@RFEBalonmano) July 5, 2021
El conjunto de Jordi Ribera disputará un doble amistoso ante @AndebolPortugal en Caminha (8 de julio) y Vigo (10 de julio)
#Tokyo2020 pic.twitter.com/huEpG6bAY8
Na primeira a Selección disputou dous encontros, un na Boa Vila fronte a Croacia e outro en Ourense ante Exipto.
Nesta ocasión os de Jordi Ribeira permanecerán na súa burbulla das Rías Baixas ata o próximo 11 de xullo, estando previstos dous choques amigables fronte a Portugal en Caminha (8 de xullo) e Vigo (10 de xullo).
Tras esa cita o adestrador do combinado nacional terá que dar a lista definitiva de 14 homes (máis un suplente para casos de emerxencia) que poderá viaxar a Xapón. Por agora en Sanxenxo atópanse 18 xogadores na concentración tras os descartes de Sergey Hernández, Iosu Goñi e Rubén Marchán e a incorporación de Gedeón Guardiola.
Relacionadas:
-
Pontevedra dálle ás ao Hispanos camiño a Tokyo cunha prometedora vitoria ante Croacia (34-22)
Por Diego Espiño |
-
Os Hispanos inician a súa concentración burbulla en Sanxenxo
Por Redacción |
-
Esgotadas en poucas horas as entradas para o España-Croacia de balonmán no Municipal
Por Diego Espiño |
-
Oficial: España-Croacia de balonmán o 27 de xuño no Municipal de Pontevedra
Por Diego Espiño |
-
Pontevedra, cuartel xeral dos Hispanos no seu camiño a Tokyo
Por Diego Espiño |