Cisne e Teucro coñecen o camiño que lles espera na División de Honra Prata 21-22
Por Diego Espiño
A Real Federación Española de Balonmán (RFEBM) sorteou este martes o calendario de competición 21-22 da División de Honra Prata, categoría na que coincidirán a Sociedad Deportiva Teucro e o Club Cisne Balonmán.
O formato de liga será o mesmo que na tempada recentemente finalizada, con dous grupos de 10 equipos nunha fase inicial a dobre volta na que os cinco primeiros clasificados pasarán a pelexar polo ascenso e os cinco últimos por evitar o descenso a Primeira Nacional. Na segunda fase os equipos enfrontaranse en dobre volta aos rivais do outro grupo arrastrando resultados e puntos dos rivais directos da primeira fase. Ao final do curso ascenderán á Liga Asobal os dous mellores clasificados e perderán a categoría cinco clubs.
A competición dará comezo o día 25 de setembro, e farao cun derbi provincial en casa para o Cisne ante o Atlético Novás, mentres que o Teucro visitará a pista do Zamora.
Só unha semana despois (2 outubro), na segunda xornada, chegará o primeiro derbi entre os equipos pontevedreses, cita que se repetirá antes do nadal (19 de decembro) na xornada 11.
A primeira fase concluirá o 26 de febreiro cos partidos Guadalajara-Teucro e Cisne-San Pablo Burgos.
Consulta o calendario completo da División de Honra Prata Masculina na web da RBEBM.
Relacionadas:
-
O Cisne quenta motores cos seus dous primeiros partidos de pretemporada
Por Redacción |
-
O Cisne renova á súa nova promesa, Daniel Virulegio
Por Redacción |
-
O primeira liña portugués Gonçalo Morais, nova fichaxe do Teucro para a próxima tempada
Por Redacción |
-
Pablo González celebra a súa convocatoria coa Selección Española Xuvenil renovando co Cisne
Por Redacción |
-
O porteiro alemán Joshua Rau, primeira fichaxe do Teucro
Por Redacción |
-
Alejandro Conde seguirá sendo xogador do Cisne
Por Redacción |
-
O Cisne segue coas renovacións e asegura un ano máis a Iván Calvo
Por Redacción |
-
Sétima renovación no Teucro coa continuidade de Ricardo González
Por Redacción |
-
Federico Wermbter non seguirá no Teucro
Por Redacción |