Caetano Horta, á repesca para poder entrar na semifinal olímpica de remo dobre scull
Por Alejandro Espiño
Non puido ser. A parella formada polo remeiro galego Caetano Horta e o catalán Manel Balastegui non logrou clasificarse para a semifinal de dobre scull nos Xogos Olímpicos de Tokio 2020. Iso si, terán unha nova oportunidade esta próxima madrugada.
Horta, deportista formado no Centro Galego de Tecnificación Deportiva, e o seu compañeiro acabaron cuartos na súa serie eliminatoria, cun tempo de 6:38.72. Quedaron a doce segundos do pase directo a semifinais.
Foron os barcos de Noruega e Bélxica os que ocuparon as dúas primeiras prazas.
Os españois comezaron ben e chegaron a colocarse en segunda posición, pero a partir da metade do percorrido xa non puideron seguir o ritmo e a carreira fíxoselles demasiado longa.
Agora, deberán competir na repesca, que se celebrará esta madrugada ás 03:00 horas, para poder conseguir un dos tres billetes que quedan libres para semifinais.
Relacionadas:
-
Caetano Horta dálle ao CGTD un diploma olímpico no dobre scull lixeiro remo
Por Diego Espiño |
-
Caetano Horta, á final B no dobre scull lixeiro de remo
Por Diego Espiño |
-
Caetano Horta cumpre na repesca e estará nas semifinais de dobre scull de remo
Por Alejandro Espiño |
-
Caetano Horta, remeiro formado no CGTD, debuta esta noite nos Xogos de Tokyo
Por Redacción |
-
Caetano Horta, remeiro do CGTD: da selectividade a Tokio 2021
Por Manu Otero |