A Federación Española ofrece ao Bádminton Ravachol unha praza en División de Honra
Por Diego Espiño
A aventura do Club Bádminton Ravachol na División de Honra terá unha segunda parte, evitando o descenso certificado na pista tras a súa primeira campaña na elite.
A Federación Española de Bádminton ofreceu este luns de maneira oficial unha praza ao club pontevedrés para permanecer na máxima categoría, tras unha reestruturación que ampliará de 8 a 10 os equipos participantes.
"Estamos moi contentos con esta oportunidade, aínda que a planificación deportiva e económica non estaba enfocada á División de Honra, polo que teremos que redobrar esforzos para poder sacar adiante o proxecto", sinalou tras coñecer a noticia o director deportivo do Ravachol, Jesús Pereiro.
"Para seguir entre os mellores de España necesitamos manter o plantel e reforzalo para non ter os problemas do ano pasado, polo que a chegada de patrocinadores é vital", recoñece Pereiro.
Desta forma e a falta de coñecer o décimo equipo que completará a División de Honra, acompañarán o Ravachol na máxima categoría nacional o Oviedo, San Fernando Valencia, Rinconada de Sevilla, Alicante, Granada, Arjonilla de Xaén, Benalmádena de Málaga e o Pitius de Eivissa.
Confirmada a súa continuidade na elite, o Ravachol avanza que traballa xa non só en completar as renovacións senón en pechar posibles fichaxes que lle permitan afrontar con garantías o seu segundo ano entre os mellores.
Relacionadas:
-
O Ravachol renova á súa xoven promesa, Ania Setién
Por Redacción |
-
Georgina Bland dálle ao Bádminton Ravachol a súa primeira alegría da tempada
Por Redacción |
-
Jacobo Fernández, primeira fichaxe do Bádminton Ravachol tras confirmase a súa continuidade en División de Honra
Por Redacción |
-
Ana Carbón confirma a súa continuidade no proxecto de División de Honra do Ravachol
Por Redacción |
-
A ampliación da División de Honra abre unha vía ao Bádminton Ravachol para tentar seguir na máxima categoría
Por Diego Espiño |
-
O Bádminton Ravachol avanza na súa planificación deportiva renovando a Gabriel Fernández
Por Redacción |
-
Manuel Brea convértese na segunda renovación do Bádminton Ravachol
Por Redacción |
-
A renovación de Georgina Bland, primeira pedra do novo proxecto do Ravachol despois do descenso
Por Redacción |
-
O Bádminton Ravachol certifica o seu descenso con derrota ante o Rinconada (5-2)
Por Almu Dapena |