Caetano Horta, á final B no dobre scull lixeiro de remo
Por Diego Espiño
Cun día de atraso sobre o calendario previsto, debido á mala climatoloxía, Caetano Horta e Manel Balastegui competiron na madrugada deste mércores na semifinal olímpica da modalidade dobre scull lixeiro de remo.
O remeiro noiés formado no Centro Galego de Tecnificación Deportiva de Pontevedra e o seu compañeiro de embarcación quedaron a escasos dous segundos de entrar na final dos Xogos Olímpicos, pero finalmente non conseguiron entrar entre os 6 mellores quedando relegados á final B.
Horta e Balastegui foron quintos na súa semifinal cun tempo de 6:15.49, polos 6:13.07 do equipo belga que foi terceiro levando a última praza dispoñible para a quenda definitiva polas medallas.
A pesar diso os españois seguen en competición, e é que en xogo ás 4.02 horas deste xoves estará a opción de conseguir un diploma olímpico, o que lograrán os dous primeiros clasificados na final B da competición. Todo un logro en todo caso para un deportista que non esperaba estar en Tokyo vivindo aos seus 18 anos a súa primeira experiencia nuns Xogos.
Relacionadas:
-
Caetano Horta dálle ao CGTD un diploma olímpico no dobre scull lixeiro remo
Por Diego Espiño |
-
Caetano Horta cumpre na repesca e estará nas semifinais de dobre scull de remo
Por Alejandro Espiño |
-
Caetano Horta, á repesca para poder entrar na semifinal olímpica de remo dobre scull
Por Alejandro Espiño |
-
Caetano Horta, remeiro formado no CGTD, debuta esta noite nos Xogos de Tokyo
Por Redacción |