O lateral esquerdo Samu Araújo, sorpresa no adestramento e oitava fichaxe do Pontevedra
Por Diego Espiño
Creada e actualizada
Creada e actualizada
O Pontevedra Club de Fútbol xa ten especialista para o posto de lateral esquerdo.
Trátase do vigués Samu Araújo, que se converteu na gran sorpresa do adestramento deste martes do primeiro plantel ao poñerse xa ás ordes de Ángel Rodríguez antes mesmo de anunciarse a súa incorporación.
A pesar de vestirse de curto, Araújo non se converteu de maneira oficial no oitavo reforzo estival dos granates ata ben entrada a tarde coa confirmación por parte do club, despois de superar con éxito o recoñecemento médico ao que foi sometido.
Non se trata dun asunto menor, e é que o defensor chega ao club de Pasarón tras o seu salto frustrado ao CE Sabadell da Primeira RFEF, que lle descartou precisamente tras non superar satisfactoriamente as probas médicas.
O lateral asina por unha tempada e ocupará aos seus 25 anos una das dúas fichas sénior dispoñibles coas que contaba o equipo e que estaba destinada inicialmente a ese posto de lateral zurdo e a un mediocentro defensivo.
A incerteza polo seu estado físico, que xa viviu o Pontevedra con Álvaro Bustos, non foi impedimento para a dirección deportiva para confiar nun futbolista con ampla experiencia na Segunda División B desde o seu debut no Celta B, pasando polo Atlético de Madrid B e a Cultural Leonesa, club ao que defendeu as dúas últimas campañas. Ademais viviu un breve paso polo filial do FC Barcelona, co que disputou un encontro en Segunda.
Relacionadas:
-
O Pontevedra precisa un "líder" no centro do campo para pechar o plantel
Por Manu Otero |
-
Un Racing de Ferrol máis rodado supera con comodidade a un Pontevedra en construción (1-3)
Por Diego Espiño & Cristina Saiz |
-
O Pontevedra perde nos penaltis contra o Alondras e queda eliminado da Copa RFEF
Por Almu Dapena |
-
VÍDEO.- 'Todo ao Granate', campaña de socios do Pontevedra CF con rebaixa xeneralizada de prezos
Por Diego Espiño |
-
Acceso de balde para os socios no amigable ante o Racing de Ferrol en Pasarón
Por Redacción |
-
Unha rotura fibrilar aparta a Diego Seoane da pretempada do Pontevedra
Por Manu Otero |
-
Rufo e Iñaki dan a vitoria ao Pontevedra no primeiro amigable de pretemporada ante o Estradense (0-2)
Por Almu Dapena |
-
Deportivo e Coruxo, novos rivais para a pretempada do Pontevedra
Por Redacción |
-
Hummel seguirá vestindo o Pontevedra un ano máis
Por Diego Espiño |
-
O Pontevedra ponse en marcha sen positivos no plantel e a ritmo de dobre sesión
Por Diego Espiño & Cristina Saiz |
-
Ángel Rodríguez rodéase no Pontevedra dun corpo técnico "que lleva sangre granate"
Por Diego Espiño & Cristina Saiz |
-
Alberto Rubio convértese no sétimo reforzo do Pontevedra
Por Diego Espiño |