O Teucro amplía por un curso máis o contrato de Álex Pereiro
Por Redacción
O Teucro e Álex Pereiro prolongan un ano máis o seu contrato. A Xunta Xestora do equipo pontevedrés, seguindo os consellos da adestradora Irene Vilaboa, chegou a un acordo para manter á primeira fichaxe do 2021, baixo a disciplina azul.
Trátase dun xogador polivalente na primeira liña, rápido e áxil nas transicións e cunha ampla marxe de crecemento pola súa mocidade. No seu primeiro ano como teucrista soubo adaptarse rapidamente ao modelo de xogo e ao vestiario, polo que no club están seguros de que o seu protagonismo será aínda maior na tempada vindeira.
"Síntome moi cómodo no Teucro e por iso non tiven dúbidas á hora de renovar. Teño moitas ganas de empezar e volver xogar no Municipal cheo de xente. O obxectivo como equipo debe ser competir todos os partidos e converternos nun equipo difícil de gañar para calquera rival. A nivel individual espero seguir crecendo como xogador e asentarme definitivamente na categoría", dixo o xogador despois de asinar o seu novo contrato.
Relacionadas:
-
Marko Dzokic, teucrista unha tempada máis
Por Redacción |
-
O Teucro regresa este xoves aos adestramentos co plantel sen pechar
Por Manu Otero |
-
Martín Davila, reforzo do Teucro para o extremo dereito
Por Redacción |
-
Tres xuvenís do Teucro, complemento ao primeiro plantel
Por Diego Espiño |
-
O primeira liña Álvaro Moreno, terceiro reforzo do Teucro
Por Redacción |
-
Sétima renovación no Teucro coa continuidade de Ricardo González
Por Redacción |