Gol de Álex González e dobrete de Oier Calvillo para dar o triunfo o Pontevedra sobre o Juvenil de Ponteareas (0-3)
Por Redacción
O Pontevedra CF sumou unha nova vitoria nesta pretemporada. Sen tempo para descansar despois do atopo fronte ao Racing Villalbés o día anterior, o técnico local, Ángel Rodríguez, apostou por un once diferente contra o Juvenil de Ponteareas, rotando á maioría de xogadores salvo a Samu Araújo, Jacobo López e Miguel Román, que repetiron titularidade. A aliñación completárona Álvaro Cortés, Samu Santos, Pacheco, Jaichenko, Romay, Charles, Iñaki e Martín Diz.
Non houbo goles durante o primeiro acto a pesar da presión alta do equipo granate, que axexou a portería local durante os primeiros instantes xerando múltiples ocasiones pero sen lograr mover o marcador.
Co paso dos minutos o partido foise abrindo, o Juvenil de Ponteares empezouse a sentir máis cómodo e mesmo chegou a rozar o gol cun disparo afastado que deu no traveseiro.
Xa na segunda metade, cando se cumpría a hora de partido, chegou o gol que tanto buscou o Pontevedra. O capitán Álex González recibiu un balón na frontal á saída dun córner e sacou un zambombazo que se coou nas mallas, lonxe do alcance do gardameta.
Sen tempo para asimilar o tanto, apareceu Oier Calvillo tres minutos despois para marcar a balón parado. O extremo granate, de falta directa, fixo o 0-2 e, xa cando quedaban menos de 10 minutos para a conclusión, Álex González pola banda esquerda aproveitou unha xogada de contragolpe para chegar a liña de fondo e servir ao 11, que asinou o seu dobrete e o 0-3 co que concluíu o duelo.
A pesar da vitoria, Ángel Rodríguez mostrouse crítico cos seus xogadores. "Lo que he visto me ha gustado a medias", explicou tras o partido, "hay que mejorar muchísimo, nos falta fluidez en el fútbol, velocidad y sobre todo definición. Estamos creando muchas ocasiones y no hemos hecho gol".
Tamén declarou que esta semana a afrontarán de maneira diferente ao tratarse da terceira semana de pretemporada. Abandonando un poquito el apartado físico para centrarnos en cómo queremos jugar y en cómo se mueva la gente, y a partir de ahí crecer como equipo y llegar en las mejores condiciones al inicio de liga" concluíu.
Relacionadas:
-
Festín goleador do Pontevedra en Vilalonga (1-8)
Por Manu Otero |
-
Un Pontevedra de dúas caras cae contra o Deportivo en Vista Alegre (3-2)
Por Almu Dapena |
-
O partido contra o Dépor será unha oposición para ser titular no Pontevedra
Por Manu Otero |
-
Ángel Rodríguez pide máis aos seus: "Hai que mellorar moitísimo"
Por Manu Otero |
-
Segunda vitoria da pretempada para o Pontevedra ao superar ao Racing Villalbés na recta final (3-1)
Por Almu Dapena & Cristina Saiz |
-
O Pontevedra amplía o seu calendario de amigables de pretemporada
Por Manu Otero | Creada e actualizada
-
O Pontevedra e Charles ratifican o seu compromiso
Por Redacción |
-
A campaña de abonados do Pontevedra comeza con máis de 200 carnés nunha soa mañá
Por Manu Otero |
-
Ángel Rodríguez: "Hai mozos que veñen poxando forte e vou apostar por eles"
Por Manu Otero |
-
Un Racing de Ferrol máis rodado supera con comodidade a un Pontevedra en construción (1-3)
Por Diego Espiño & Cristina Saiz |
-
O Pontevedra perde nos penaltis contra o Alondras e queda eliminado da Copa RFEF
Por Almu Dapena |