Medio milleiro de corredores participan na carreira popular de San Antón en Cuntis
Por Redacción
A carreira popular de San Antón celebrouse este mércores en Cuntis coa participación de preto de 500 corredores de diversas idades. Esta clásica competición, que organiza o Club de Montaña Xesteiras e que levou a cabo con todos os protocolos de seguridade contra a covid-19, tivo como vencedores a Amadeo Abal e Carol Santos na categoría sénior masculina e feminina.
O corredor do club Cárnicas Serrano, en idade sénior, foi o primeiro en completar os 7 quilómetros de ciruito cunha marca de 21 minutos e 50 segundos. Mentres que a atleta do Ría de Ferrol, aínda en idade xuvenil, fíxoo en 27 minutos e 44 segundos.
O percorrido realizouse por contorna urbana cuntiense pasando polos lugares da Patela, Castrolandín, Vilar e Campo antes de cruzar a meta instalada xunto ao pavillón municipal de deportes.