Festín goleador do Pontevedra en Vilalonga (1-8)
Por Manu Otero
Explosión goleadora do Pontevedra na última semana de pretemporada. Os granates pasaron por encima do Villalonga no campo de San Pedro cunha choiva de goles que levaron a firma das puntas de lanza do equipo que adestra Ángel Rodríguez. Brais Abelenda abriu a lata pasada a media hora e ao festival anotador apuntáronse Charles que asinou un dobrete como o de Abelenda e Martín Diz, que saíu do banco tras o descanso para anotar un póker.
Tardou o Pontevedra en romper o armazón defensivo do cadro sanxenxino. Houbo que esperar máis de media hora para asistir ao primeiro achegamento con perigo dos granates á meta rival. Foi Rubio o que estrelou un disparo afastado no traveseiro cumpridos os 30 minutos de xogo. E á xogada seguinte, Seoane gañou a liña de fondo para poñer un pase atrás a Brais Abelenda, que marcou a pracer. O tanto da tranquilidade chegou xusto antes do descanso cando Charles acertou a resolver con mestría un man a man.
Tras o paso por vestiarios, o técnico deu entrada a Martín Diz en substitución do ata o de agora pichichi da pretemporada Oier Calvillo. E o canteirán deu o primeiro paso para arrebatarlle o título honorífico ao seu compañeiro no primeiro balón que tocou para mandalo ao fondo da portería despois de irse de varios rivais, facer unha parede con Charles e definir con calidade ante o porteiro.
O dianteiro brasileiro ampliou a goleada ao transformar un penalti e xusto tras cumprir os sesenta minutos de partido, Brais Abelenda facía o quinto ao resolver outro cara a cara co gardameta local.
Logrou o Vilalonga inaugurar o seu marcador no minuto 66, antes de que Ángel Rodríguez introducise unha nova onda de cambios. Saltaron ao céspede *Álex González, Santi Figueroa, Fabio Grajales, Miguel Román, Samu Santos e Pablo López para ver como os granates seguían ampliando a súa renda. Martín Diz completou o seu triplete ao rematar un centro de Álex González e alcanzou o póker nunha xogada similar ao mandar tamén ao fondo da rede outra asistencia do capitán granate.
VILLALONGA (1): Jose Rex, Nico, Carlos, Noue, Marcos, Eloy, Gabri, Manu, Brian, Michael, Cavani. También jugaron Rodri, Álex, Yoni, Bisti, Barbeito y Pablo.
PONTEVEDRA (8): Álvaro Cortés, Seoane, Churre, Pacheco, Samu Araújo, Javi Rey, Romay, Brais Abelenda, Oier Calvillo, Alberto Rubio, Charles. También jugaron Santi, ÁLex, Martín Diz, Samuel Santos, Miguel Román, Fabio Grajales y Pablo López
Goles: 1-0, Brais. 2-0, Charles. 3-0, Martín Diz. 4-0, Charles. 5-0, Brais. 6-0 Martín Diz. 7-1, Martín Diz. 8-1, Martín Diz.
Relacionadas:
-
O Pontevedra finaliza a pretempada con vitoria sobre o Verín (0-4)
Por Almu Dapena |
-
O Pontevedra vai con "vento en popa" para afrontar o último test de pretempada
Por Manu Otero |
-
Ángel Rodríguez resta importancia á goleada e ve ao equipo cada vez máis "afinado"
Por Manu Otero |
-
Un Pontevedra de dúas caras cae contra o Deportivo en Vista Alegre (3-2)
Por Almu Dapena |
-
Gol de Álex González e dobrete de Oier Calvillo para dar o triunfo o Pontevedra sobre o Juvenil de Ponteareas (0-3)
Por Redacción |
-
Segunda vitoria da pretempada para o Pontevedra ao superar ao Racing Villalbés na recta final (3-1)
Por Almu Dapena & Cristina Saiz |