Sergio Troitiño consegue coa súa prata en Turquía o pase ao Europeo sub 21 de taekwondo
Por Redacción
O prometedor taekwondista do Mat' s de Marín Sergio Troitiño conseguiu a pasada fin de semana en Turquía a clasificación para o campionato de Europa sub 21 do 2022. Xunto a el clasificáronse tamén os galegos Adrián Salanova e Javier Otero.
Na President's Cup disputada en Istambul, o deportista do club marinense conseguiu a medalla de prata na categoría de 78 quilos. Antes de chegar á final, Troitiño desfíxose con facilidade nas roldas previas dos taekwondistas locais Omer Osman, Berdan Ali e Ali Erdem. No combate polo ouro, o ucraíno Ilya Lipatov foi capaz de derrotar ao galego por un contundente 12-23. Aínda que non puido colgarse o ouro, a medalla de prata é suficiente para conseguir o billete para o europeo.
A expedición galega pechou a súa participación na competición turca co ouro de Salanova e a prata de Javier Otero. Pola súa banda, Samuel Meilán quedou ás portas da loita polas medallas ao caer en cuartos de final.
Relacionadas:
-
Sergio Troitiño colga o bronce no Europeo Júnior de taekwondo
Por Redacción |
-
Iván García e Sergio Troitiño, medallistas no Open de Holanda de taekwondo
Por Redacción |
-
Pontevedra pasa exame para afrontar o Europeo Cadete de Loita en 2023 e o Mundial Júnior en 2024
Por Almu Dapena |
-
Beatriz Felpeto inicia cun ouro en Pamplona o camiño cara ao Mundial de taekwondo
Por Redacción |
-
Destacado papel do Mat's de Marín no Nacional Júnior e no Open de Albania
Por Redacción |
-
Yadira Reimúndez e Sergio Troitiño selan a súa clasificación para o Europeo Júnior e Sub-21 de taekwondo
Por Redacción |