O Supermercados Froiz confórmase co segundo posto por equipos na Volta a Galicia
Por Redacción
O Grupo Deportivo Supermercados Froiz tivo que conformarse co segundo posto da xeral por equipos da Volta a Galicia despois dunha última etapa na que non puideron pelexar polo triunfo na xeral tanto individual como colectiva.
Na etapa reina, na que o pelotón tiña que escalar tres portos de montaña, o cadro alimenticio logrou meter na escapada a Ramón Fernández. O grupo de cabeza logrou unha vantaxe próxima aos tres minutos, pero no último porto o pelotón recortou ata deixala nun só minuto.
Na subida á Garita da Herbeira, Fernández, que era o favorito da escuadra pontevedresa e un dos mellor posicionados para gañar a carreira, quedou sen pernas e acabou por descolgarse do grupo de cabeza. Aínda así, o traballo do equipo foi suficiente para conservar o segundo posto na clasificación por equipos.
Desde a entidade fan un balance positivo da competición, na que lograron dous segundos postos en dúas etapas, mantiveron opcións de vitoria ata o último día e lograron liderar a clasificación por equipos ata a xornada final na que puideron salvar o segundo posto. Ademais, na clasificación de corredores galegos, Roberto Mediero acabou segundo.
Relacionadas:
-
Volta ás orixes do Froiz apostando por unha estrutura de ciclocrós
Por Redacción |
-
Dobre podio para o Froiz na contrarreloxo de Baños de Molgas
Por Redacción |
-
O Supermercados Froiz afronta en Estremadura o inicio da recta final da tempada
Por Redacción |
-
O Froiz roza o triunfo na segunda etapa da Volta Galicia e métese de cheo na pelexa pola xeral
Por Redacción |