Homenaxe da Deputación a un deporte provincial que "está a darlle os maiores éxitos deportivos a Galicia"
Por Redacción
Os xardíns do castelo de Soutomaior foron o lugar escollido este xoves pola Deputación de Pontevedra para organizar a Gala do Deporte Provincial.
A xornada preparouse como unha homenaxe e recoñecemento a uns deportistas que "lle están dando os maiores éxitos deportivos a Galicia", sinalou a presidenta provincial, Carmela Silva.
O evento reuniu en Soutomaior a unha representación dos 181 deportistas bolseiros este ano coas bolsas DepoDan (Alto Nivel) e DepoPromesa, así como dos 24 deportistas da provincia que acudiron aos Xogos Olímpicos e Paralímpicos de Tokyo. Entre eles destacaban a piragüista Antia Jácome, a regatista Támara Echegoyen ou o tirador Juan Saavedra, medalla en Xapón.
"Apoiar o deporte é imprescindible para construír sociedades mellores e máis avanzadas", defendeu Carmela Silva na súa intervención referíndose a uns atletas que "son o reflexo do que queremos ser na provincia de Pontevedra".
A gala serviu ademais para render homenaxe ao recentemente falecido Fran Teixeira, adestrador de balonmán cunha ampla traxectoria ás súas costas e que ademais era traballador da institución provincial.
Relacionadas:
-
A Deputación crea a categoría A+ nas súas axudas a deportistas de alto nivel para dar protagonismo aos atletas con discapacidade
Por Redacción |
-
O medallista paralímpico Juan Saavedra comparte no colexio da Reigosa a súa experiencia de vida e deportiva
Por Redacción |
-
Támara Echegoyen, preseleccionada polo equipo nacional para o novo ciclo olímpico de París 2024
Por Diego Espiño | Creada e actualizada
-
A Deputación aproba novas bolsas para deportistas por 225.000 euros
Por Redacción |
-
A Deputación inicia unha nova edición do programa Deporte-Escolas con nove modalidades deportivas
Por Redacción |
-
Falece Fran Teixeira, o adestrador galego de balonmán máis laureado de todos os tempos
Por Ramiro Espiño |
-
A Deputación aproba 250.000 euros para a celebración de actividades deportivas na provincia
Por Redacción |