Lores marca como obxectivo a medio prazo "avanzar cara ao Campionato do Mundo Absoluto" de loitas olímpicas
Por Diego Espiño
A loita olímpica é un dos deportes polos que o Concello de Pontevedra apostou con maior forza dentro da súa folla de roteiro de acoller eventos deportivos de relevancia na cidade.
A Boa Vila foi escenario nos últimos anos, antes da irrupción da pandemia, de varios campionatos de España e tamén do Europeo Júnior de 2019, ao que se suma o Campionato do Mundo Sub-23 que se celebrará no mes de outubro de 2022. Pero non queda aí a cousa, e o alcalde da cidade, Miguel Anxo Fernández Lores, confirmou que "tentaremos avanzar cara ao Campionato do Mundo Absoluto".
É o obxectivo a medio prazo, tal e como recoñeceu este xoves nunha recepción ao equipo nacional de loita feminina que permanece estes días concentrado no Centro Galego de Tecnificación Deportiva, coa local Lydia Pérez como unha das súas deportistas máis destacadas.
O Mundial Sub-23 "esperemos que sexa un éxito, pero seguiremos apostando", reiterou Lores, aínda que para iso "temos que facer os deberes un pouco antes porque hai que mellorar algunha instalación deportiva para poder acoller con certa garantía un Campionato do Mundo", explicou en relación ao proxectado pavillón deportivo da Parda xa que "necesitamos ampliar as instalacións para acoller máis xente pero sobre todo máis pista, para tatamis de judo, de taekwondo, máis altura para a ximnasia...".
Ademais do alcalde e as deportistas, estiveron presentes na recepción o concelleiro de deportes, Tino Fernández; o presidente da Federación Galega de Loita, José Luis Olazábal; o director técnico federativo, Pablo Pintos; e as seleccionadoras nacionais.
Na súa intervención Olazábal quixo agradecer ao goberno local por "o apoio en todo o que queremos facer, tanto competicións nacionais como internacionais".
Relacionadas:
-
Ao redor de "2.000 deportistas de 70 países" competirán en Pontevedra no Mundial Sub-20 de Loitas Olímpicas
Por Diego Espiño |
-
Os cadetes do Judo Club Pontevedra regresan do nacional cun ouro e un bronce
Por Redacción |
-
O Mundial Absoluto de Grappling poñerá a guinda a un outubro máxico para a loita en Pontevedra
Por Redacción |
-
Marín vive unha intensa fin de semana chea de judo
Por Redacción & Cristina Saiz |
-
O torneo Dan Kolov en Bulgaria, primeiro reto internacional do ano para Lydia Pérez
Por Redacción |
-
Alexander Kachelaev desvincúlase do CGTD tras 30 anos formando os loitadores galegos
Por Diego Espiño |
-
Constituído o comité organizador do Mundial Sub-23 de loitas olímpicas que se celebrará en 2023 en Pontevedra
Por Diego Espiño |
-
A Federación Internacional ratifica por carta a Pontevedra como sede do Mundial Júnior 2024 de loita
Por Diego Espiño |
-
Pontevedra, capital da loita: Acollerá o Mundial de Grappling Cadete-Júnior 2022 e o Mundial Júnior 2024
Por Diego Espiño |
-
Belgrado pasa a testemuña a Pontevedra para a organización do Mundial Sub-23 de loita
Por Redacción |
-
Pontevedra pasa exame para afrontar o Europeo Cadete de Loita en 2023 e o Mundial Júnior en 2024
Por Almu Dapena |
-
Lydia Pérez viaxa a Suecia como 'sparring' olímpica
Por Redacción |
-
Lydia Pérez cae nos oitavos de final do Preolímpico e di definitivamente adeus a Tokyo
Por Diego Espiño |
-
Conceden a Pontevedra a organización do Mundial de Loita Sub-23 en 2022
Por Diego Espiño |