O Pontevedra Rugby Club, a consolidar o seu proxecto feminino
Por Redacción
Tras o seu paso dun ano pola División de Honra B, o equipo feminino do Pontevedra Rugby Club (PRC) prepárase para saír a competir na Liga Galega.
A intención da entidade é consolidar un proxecto que custou varios anos poñer en marcha por falta de xogadoras.
O paso dunha tempada por categoría nacional "non foi o mellor ano a nivel de rugby pero gañou moito en cohesión e en fomentar o deporte feminino", defendeu o adestrador do equipo, Rubén Sanmartín, na recepción ofrecida polo concelleiro de Deportes, Tino Fernández, e a edil de igualdade, Yoya Blanco, na entrada da Casa da Luz.
Na actualidade o PRC conta con 16 fichas sénior femininas, cifra axustada, pero "sempre estamos abertos a que se poida sumar xente, non hai límite de xogadoras nin plantel", engadiu Sanmartín confiando no progreso do rugby feminino non só a nivel local, senón en toda Galicia.
Relacionadas:
-
Ánimos ao rugby feminino pontevedrés antes da final polo título galego
Por Redacción |
-
O rugby pontevedrés deixa atrás o seu ano 'horribilis'
Por Redacción & Cristina Saiz |
-
O rugby volve á escola
Por Redacción |
-
A derrota do Pontevedra Rugby Club consuma o descenso, pero o club xa pensa no regreso á elite
Por Redacción |