A Copa do Rei entra en escena para Teucro e Cisne
Por Redacción
O Club Cisne Balonmán e a Sociedad Deportiva Teucro toman un pequeno respiro esta fin de semana na División de Honra Prata para centrarse na Copa do Rei.
O Torneo do K.O. afronta a súa primeira eliminatoria, que enfronta a partido único a equipos da segunda categoría, e aí estarán os dous representantes pontevedreses tras un inicio de competición completamente oposto para ambos os dous.
Por unha banda o Teucro buscará atopar na Copa un respiro á súa situación ligueira, con tres derrotas en tres partidos, para así comezar a coller confianza pensando na súa recuperación. Os azuis xogarán este sábado (20.00 horas) no Pavillón Municipal dos Deportes ante o Eivissa.
En canto ao Cisne, líder en liga con pleno de vitorias, deberá afrontar un longo desprazamento ata Cataluña para medirse ao UE Sarrià (sábado, 20.00 horas).
De superar a eliminatoria os equipos pontevedreses verían as caras na segunda rolda cun equipo da Liga Asobal.
Relacionadas:
-
O Teucro vai de máis a menos contra o Eivissa e queda eliminado da Copa do Rei (24-30)
Por Almu Dapena & Cristina Saiz |
-
O Sarrià rompe a boa serie do Cisne e o elimina da Copa do Rei (32-28)
Por Almu Dapena |
-
Carlos Álvarez e Daniel Virulegio 'soben' á Selección Española Júnior e Marko Ojeda estréase coa Xuvenil
Por Redacción |
-
O Teucro afunde na súa visita o Soria (36-26)
Por Almu Dapena |
-
Recital defensivo e terceira vitoria consecutiva do Cisne fronte o Villa de Aranda (35-20)
Por Almu Dapena & Cristina Saiz |