Carla Fernández, renovación co Team Farto e convocatoria para o Europeo de Ciclocrós
Por Redacción
O Team Farto-BTC recibiu nas últimas horas unha gran noticia coa convocatorias dunha das súas ciclistas por parte da Selección Española de Ciclocrós.
Aínda que o seu obxectivo central é destacar sobre o asfalto, a viguesa Carla Fernández está a destacar este outono no calendario autonómico e nacional desta especialidade, o que non pasou desapercibido para o seleccionador nacional, Pascual Momparler, que a incluíu na lista de deportistas que competirán por España no Campionato de Europa.
Do mesmo xeito que os representantes do Froiz citados, Fernández desprazarase esta semana ata os Países Baixos para tomar parte nun Europeo que se celebrará os días 6 e 7 de novembro en Col du Vam, en Drenthe. No seu caso tomará parte na proba sub-23 feminina.
A ciclista do Farto afronta a cita continental "con ganas de vivir unha bonita experiencia e seguir enfocándome na tempada de estrada".
Actual campioa galega contrarreloxo sub-23, Carla Fernández renovou unha tempada máis co equipo pontevedrés tras un intenso ano de debut da estrutura como equipo UCI Continental, co que chegou a participar en 11 xornadas de competición profesional.
A nosa galega @Carlafdeztorres, convocada pola selección española para disputar o Campionato de Europa de CX nos Países Baixos. Noraboa! @RFECiclismo#BeTheChange #ProCycling
— Team Farto - BTC | UCI Women's Continental Team (@EquipoFarto) November 1, 2021
Yaiza FP / Luz Iglesias pic.twitter.com/6kUgk2vduK
Relacionadas:
-
Nove incorporacións para o segundo proxecto do Farto en categoría profesional
Por Redacción |
-
O Team Farto renova a súa licenza de categoría UCI Continental
Por Diego Espiño |
-
A segunda edición do ciclocrós Con da Romaíña reúne a 400 ciclistas este sábado en Sanxenxo
Por Redacción |
-
Carla Fernández, do Farto, e Miguel Rodríguez, do Froiz, gañadores indiscutibles da Copa Galicia no Rosal
Por Redacción |
-
Tres ciclistas do Froiz poñen rumbo ao Europeo de Ciclocrós
Por Redacción |