Sociedad Gimnástica e CD Pinarium unen as súas forzas
Por Redacción
A Sociedad Deportiva Gimnástica de Pontevedra e o Club Deportivo Pinarium de Marín selaron un acordo de colaboración que "oxalá dure moitos anos", recoñece a presidenta da entidade pontevedresa, Charo Castro.
Este acordo de colaboración e filialidade permitirá os atletas do club de Santomé de Piñeiro participar en competicións nacionais de clubs baixo as siglas da Gimnástica, tanto na División de Honra Masculina se así o requiren os técnicos como en categorías inferiores sub-10, 14 e 16. Ademais permitirá a colaboración entre adestradores das dúas entidades.
Trátase de "un pasiño máis", recoñece o presidente do Pinarium, Diego González, que permitirá aos de Marín a consecución da licenza nacional de atletismo xa que "ata o de agora só tiñamos licenza autonómica".
Ambos os dous dirixentes coincidiron ademais tras a firma en que "a unión sempre fai a forza, pois se xerarán novas sinerxias que seguro darán lugar ao mellor funcionamento de ambos os clubs, e animamos a que outros clubs fagan o propio".
Relacionadas:
-
Punto e final á III edición do Campus de Triatlon CD Pinarium
Por Redacción |
-
A Gimnástica reforza o seu equipo masculino con tres lanzadores e tres corredores
Por Redacción |
-
Seis novas caras no equipo feminino da Gimnástica para soñar co ascenso a División de Honra
Por Redacción |
-
Antía Chamosa finaliza segunda no CGTD no autonómico de marcha
Por Redacción & Cristina Saiz |
-
O Pinarium déixase ver no Cros Internacional de Atapuerca
Por Redacción |