O Arosa, a pola segunda vitoria consecutiva ante un Salamanca en problemas
Por Diego Espiño
Reforzado tras o seu triunfo en Asturias, o Arosa quere coller impulso na táboa coa que sería a súa segunda vitoria consecutiva, aínda que para iso deberá superar este domingo na Lomba (17.00 horas) a un dos equipos de maior nome da competición, o Salamanca CF UDS.
O cadro salmantino chega á cita en horas baixas, pelexando na zona media-baixa con 13 puntos polos 14 dos arlequinados e tras cinco xornadas sen gañar, pero para Jorge Otero "é un equipo feito para estar arriba".
O técnico arosista cre que "a clasificación indica que aínda non é o equipo que posiblemente vai ser", pero "ten uns xogadores extraordinarios e ten unha cousa boa, recibe poucos goles".
De feito con 6 tantos en contra en 11 xornadas é o equipo menos goleado do grupo, pero tamén o menos goleador, con só tres goles a favor. "Sobre todo non podemos equivocarnos, porque é un equipo que os goles que fai sácalles un rendemento tremendo", analiza Otero centrado tamén en conseguir deixar a portería a cero.
Nesa tarefa non poderá colaborar o defensor Campillo, baixa por problemas físicos, sendo a única ausencia máis aló dos lesionados de longa duración Róber e Álex Cobo.
O encontro, no que se homenaxeará á tenista local Jéssica Bouzas e ao futbolista do Celta José Fontán, estará arbitrado polo asturiano Enrique Gao Aladro.
Relacionadas:
-
Traballado triunfo do Arosa sobre o Salamanca (1-0)
Por Almu Dapena & Cristina Saiz |
-
O alcalde de Vilagarcía propón o Arosa para a Medalla de Ouro da Cidade
Por Redacción |
-
O esperado derbi entre Pontevedra e Arosa na Segunda RFEF xa ten data e hora
Por Redacción |
-
O Arosa golea o Ceares e reencóntrase coa vitoria (1-4)
Por Almu Dapena |