Aprazado o partido do Teucro en Zarautz á espera dos resultados das PCR aos xogadores
Por Diego Espiño
O Comité de Competición da Real Federación Española de Balonmán suspendeu oficialmente o encontro da División de Honra Prata que debía enfrontar este sábado no País Vasco ao Amenabar Zarautz e á Sociedad Deportiva Teucro.
O club pontevedrés solicitara o aprazamento tras detectar o pasado martes un positivo por covid no seu primeiro plantel, suspendendo desde ese momento os adestramentos do equipo por precaución.
Notificada a situación ao Servizo Galego de Saúde, o mércores foron tres os xogadores citados polo Sergas para someterse a probas PCR, co resto de xogadores chamados a pasar o trámite ao longo deste xoves.
No seu argumento ante Competición o Teucro argumentaba a dificultade de completar o desprazamento ao País Vasco a tempo para o choque tendo en conta que a previsión é poder coñecer os resultados das probas aos xogadores a última hora do venres ou mesmo o propio sábado, ao que se sumaban os gastos derivados de viaxe que debían ser asumidos igualmente.
O Comité valorou este punto aceptando a solicitude, polo que agora haberá que buscar nova data para o partido, correspondente á a oitava xornada de liga.
Aínda cos adestramentos suspendidos e a pesar de que a totalidade do persoal teucrista está vacinada, o club recomendou aos seus xogadores permanecer nos seus respectivos domicilios para minimizar no posible o risco de que que se produzan máis contaxios.
Relacionadas:
-
O Teucro confirma a fichaxe dos brasileiro Marcos Vinícius
Por Redacción | Creada e actualizada
-
Volta á normalidade do Teucro superado o gromo de covid e pensando xa no partido ante Zamora
Por Diego Espiño |
-
Soben a 4 os positivos por covid detectados no Teucro e aprázase o seu partido contra o Guadalajara
Por Diego Espiño | Creada e actualizada
-
O Cisne imponse ao Soria cunha memorable primeira metade (37-21)
Por Almu Dapena & Cristina Saiz |
-
Un positivo por covid no plantel obriga a suspender os adestramentos do Teucro
Por Diego Espiño |
-
O Teucro planta cara ao Villa de Aranda pero volve estrelarse (28-34)
Por Almu Dapena & Cristina Saiz |