O 'pasaporte COVID' pasa a ser obrigatorio para acceder a partidos en pavillóns e estadios ao aire libre
Por Diego Espiño
Os afeccionados dos clubs deportivos de Galicia que queiran acudir a ver en directo a evolución dos seus equipos terán que presentar o 'pasaporte COVID', un certificado de ter superado o coronavirus nos últimos 6 meses ou unha proba PCR ou de antíxenos realizada nas horas previas.
Así o reflicte o Diario Oficial de Galicia (DOG) deste venres 17 de decembro no que se reflicten as novas medidas aprobadas pola Xunta de Galicia para a contención da pandemia.
Inicialmente o executivo autonómico sinalara que esta medida ía implantar para a celebración de eventos con público, especificando agora o DOG que iso tamén afecta á "celebración de competicións deportivas con público" e a "eventos deportivos non federados de ámbito organizado".
O pasaporte COVID poderase esixir en pavillóns que conten cunha asistencia superior ás 200 persoas, ou en recintos ao aire libre como estadios de fútbol cunha asistencia superior aos 500 espectadores.
Por tanto, sen ir máis lonxe, sería de obrigado cumprimento nas principais instalacións de Pontevedra como o Pavillón Municipal dos Deportes ou o Estadio Municipal de Pasarón, ou tamén no Estadio da Lomba de Vilagarcía onde este domingo 19 de decembro o Arosa afronta unha nova xornada de liga.
Esta medida tamén afecta a "cinemas, teatros, auditorios e espazos similares, así como eventos musicais e artísticos e outros eventos".
Relacionadas:
-
O Arosa suma un traballado empate contra o Leganés B (2-2)
Por Almu Dapena |
-
Dous novos falecementos de pacientes con covid elevan a 216 o número de vítimas mortais na área sanitaria
Por Redacción |
-
Complicado duelo para acabar o ano para un Arosa reforzado animicamente
Por Almu Dapena |
-
Endurecen as restricións en eventos do Nadal: prohibidos os cócteles de pé e aperitivos
Por Redacción |
-
O TSXG autoriza esixir o pasaporte covid para acceder a residencias, ximnasios e eventos multitudinarios
Por Redacción |
-
O 'pasaporte covid' será obrigatorio en ximnasios e residencias de maiores
Por Alejandro Espiño |