Marín Futsal e Poio Pescamar queren despedir o ano con bo sabor de boca
Por Redacción
Marín Futsal e Poio Pescamar afrontarán esta fin de semana a que será a última xornada do ano.
Na casa xoga o equipo adestrado por Raúl Jiménez, que se citará este sábado na Raña (17:00 horas) ante o recentemente ascendido Atlético Torcal, penúltimo clasificado con cinco puntos.
As marinenses afrontan a cita, marcada en vermello polo técnico, "coas mellores perspectivas" xa que conseguir un triunfo supoñería colocarse con 19 puntos antes de que termine a primeira volta, o que sería "un baremo impresionante e un colchón máis que apreciable para o 2022".
Así mesmo, Café, máxima anotadora do equipo, asegura que o partido "vai ser moi complicado, é un equipo que xoga moi ben e que ten xogadoras novas con moita calidade e atrevidas".
Raúl Jiménez poderá contar con Silvia Aguete e Antía como porteiras, Ceci, Café, Pau, Lu, Maria León, Mar Fernández, Gaby, Daniele Fleitas, Adriana e Inés Mayan.
O cadro conserveiro, en cambio, chega tocado animicamente á cita en Llobregat, onde se enfrontará este sábado ao Penya Esplugues (16:00 horas), antepenúltimo clasificado con nove puntos na súa marcadora.
Despois de perder no derbi en casa no derbi contra o Ourense Envialia, o Poio Pescamar (sétimo clasificado con 15 puntos), buscará reencontrarse coa vitoria ante un rival "que sempre nos xera problemas" e que "na súa pista faise moi forte", analiza a xogadora vermella, Anna Escribano.
Un triunfo esta fin de semana sería vital para o equipo adestrado por Manu Cossío e así recuperar o ánimo para a volta do parón do Nadal.
Relacionadas:
-
O Marín Futsal pon o broche de ouro ao 2021 noqueando o Atlético Torcal (6-1)
Por Almu Dapena & Cristina Saiz |
-
O Poio Pescamar despide o ano con remontada e goleada ao Penya Esplugues (1-5)
Por Almu Dapena |
-
O Poio Pescamar estrélase en ataque e cede no derbi ante o Ourense Envialia (1-3)
Por Almu Dapena & Cristina Saiz |
-
Tres puntos de ouro para o Marín Futsal tras remontar contra o Majadahonda (1-2)
Por Almu Dapena |
-
Sorte dispar para Poio Pescamar e Marín Futsal no sorteo de 1/8 de final da Copa da Raíña
Por Diego Espiño |
-
Derrota do Marín Futsal na pista do flamante campión de Europa, o Burela (4-0)
Por Redacción |
-
Goleada do Poio Pescamar sobre un Majadahonda sen opcións (5-0)
Por Almu Dapena & Cristina Saiz |