O equipo feminino do Galaico consigue na casa o ascenso á Primeira División
Por Redacción
O Club Natación Galaico está de festa. Tras a celebración na piscina de Pontemuiños da Copa de España de Clubs de Segunda División, o equipo feminino logrou clasificarse entre os oito mellores da competición para conseguir o ansiado ascenso a Primeira División.
O masculino, pola súa banda, mantén a categoría ao finalizar décimo.
O logro adquire categoría de fazaña despois de conseguilo sen a capitá do equipo Bea Gómez, afectada pola covid-19, e cun equipo repleto de nadadoras aínda en idade infantil. Tamén o masculino viuse afectado por baixas importantes como a de Juan David Hernández tamén positivo por coronavirus.
A vitoria nos 50 metros libres de Antía García así como os numerosos terceiros postos conseguidos levaron á escuadra pontevedresa ao salto de categoría.
O equipo feminino formárono Núria Payola, Antía García, Alicia Bouzas, Nayara Fernández, Nadia de la Fuente, Sofía Baros, Marta Novo, Paula Fariña, Ana Pérez García-Picher e Lara Gómez.
Mentres que o masculino estivo composto por Cristian Fernández, Daniel Sánchez, Cibrán Leal, Tomás Bouzas, Bruno Rey, Nicolás Vázquez, Pedro Barros, Miguel Vázquez, Nicolás Luque, Jacobo Ucha e Pablo Martín.
Relacionadas:
-
O Nacional de Inverno Máster de Natación regresa a Pontevedra en busca da normalidade
Por Redacción |
-
O Natación Galaico ponse a ton en Póvoa de Varzim
Por Redacción |
-
O Galaico despide o 2021 desde o máis alto da natación galega
Por Redacción |
-
As nadadoras da remuda feminina dan ás ao Galaico na Copa de España de Clubs
Por Manu Otero |
-
O Natación Galaico organizará en Pontevedra a Copa de España de Clubs de 2ª División
Por Diego Espiño |