O adestrador de porteiros do Arosa, Miki Iglesias, fai as maletas e ficha polo campión de Malaisia
Por Redacción
O Arosa queda sen o seu adestrador de porteiros, Miki Iglesias, ao aceptar unha importante oferta para enrolarse nas filas dun club estranxeiro.
En concreto o técnico vigués, que aterrou na Lomba hai tres tempadas, fichou polo campión de Malaisia, o Johor Darul Takzim FC.
Iglesias recibiu a oferta tras a mediación doutro español, Orkatz Martín, que nos últimos anos foi o adestrador do porteiros deste club, gran dominador os últimos anos no seu país e tamén do sueste asiático.
O xa ex-adestrador arosista ten previsto viaxar a Malaisia esta mesma semana para poñerse a traballar no filial do Johor FC, que milita na segunda categoría. Alí atoparase con máis dunha ducia de españois que ocupan diferentes cargos na estrutura da entidade.
"Dáme pena deixar o Arosa, porque aquí tratáronme todos moi ben. Só teño palabras de agradecemento cara a todos. Do Arosa levo amigos", sinalou Miki Iglesias tras comunicar ao club arlequinado a súa decisión.
"Esta é unha gran oportunidade para min e non podo desaproveitala. Ser adestrador de porteiros é o que me gusta e quero vivir diso", engadiu o vigués.
Desde o Arosa, que agradeceu os seus servizos durante os últimos anos, búscase xa un recambio para o seu posto dentro da estrutura técnica do equipo.
Relacionadas:
-
O Arosa incorpora ao pontevedrés César Pazos como no adestrador de porteiros
Por Manu Otero |
-
Jorge Otero e o seu preparador físico no Arosa, castigados con dous partidos de suspensión
Por Diego Espiño |
-
Os erros defensivos condenan o Arosa en Bergantiños (2-1)
Por Almu Dapena |
-
Dous positivos por covid-19 fan saltar as alarmas no Arosa
Por Redacción |
-
O Arosa pon en marcha a campaña de socios da segunda volta
Por Redacción |
-
A Visita de Julio Rey inaugura o primeiro campus do Nadal do Arosa
Por Redacción |
-
O Arosa retoma os adestramentos cun ollo no mercado e outro na pandemia
Por Redacción |