Aprazado o partido de 1/8 de Copa do Poio Pescamar polo gromo de covid do seu rival, o Sala Zaragoza
Por Redacción
A Copa da Raíña terá que esperar para o Poio Pescamar, tras o gromo de covid detectado no seu rival nos oitavos de final, o Sala Zaragoza.
As vermellas debían de enfrontarse ao cadro maño o vindeiro domingo 9 de xaneiro (12.00 horas) en Zaragoza, cun billete para a fase final do Torneo do K.O. en xogo, pero o Comité de Competición da Real Federación Española de Fútbol aceptou a solicitude de aprazamento presentado polas aragonesas.
Esa petición cursouse tras detectarse cinco positivos por coronavirus na rolda de test realizada a plantel e corpo técnico no regreso aos adestramentos, dos que 4 infeccións correspondían a xogadoras. O Poio Pescamar pola súa banda superara o trámite sen detectar contaxios.
Foi o propio Salga Zaragoza o que confirmou o aprazamento da eliminatoria recibido o OK de Competición, movendo o encontro a unha data que aínda debe determinarse "tan pronto como se dean as circunstancias que permitan a súa disputa".
COMUNICADO | A causa de los positivos detectados en nuestra plantilla, el Juez de Competición ha resuelto aplazar el Sala Zaragoza-Poio Pescamar, previsto para el 9/01/22, a una nueva fecha que se determinará tan pronto como se den las circunstancias que permitan su disputa pic.twitter.com/4YVmcS7cTz
— Sala Zaragoza (@SalaZaragoza) January 6, 2022
Relacionadas:
-
Zaragoza, parada do Poio Pescamar na busca da final a oito de Copa da Raíña
Por Redacción |
-
O Poio Pescamar xogarase o pase a cuartos de final da Copa o domingo de Carnaval
Por Redacción |
-
O Poio Pescamar dáse un festín para estrear o ano con vitoria sobre o Sala Zaragoza (5-1)
Por Almu Dapena & Cristina Saiz |
-
O Marín Futsal supera pola mínima á Concordia e avanza a cuartos da Copa da Raíña (1-2)
Por Almu Dapena |
-
Onda de aprazamentos pola pandemia no deporte comarcal
Por Redacción |
-
O Sala Zaragoza pide aprazar o seu partido de Copa contra o Poio Pescamar ao detectar 5 casos de covid
Por Diego Espiño |