Ás voltas con a recuperación de Rufo: "A día de hoxe non sabemos cando vai empezar"
Por Diego Espiño
O regreso de Rufo aos terreos de xogo é unha das grandes preocupacións do Pontevedra Club de Fútbol no inicio de ano, e é que case dous meses e medio despois de que caese lesionado en Segovia "a día de hoxe non sabemos cando vai empezar", recoñeceu este venres en rolda de prensa o adestrador granate, Ángel Rodríguez.
A escordadura de nocello grao II-III con edema óseo que lle foi diagnosticado deu máis problemas dos previstos durante a súa convalecencia, ao que se suma que "tivemos un contratempo coa marcha de Álex, o readaptador, e iso fai que nos teñamos que multiplicar moito máis en facer cousas que non corresponden ao corpo técnico e que seguramente cunha persoa ao seu lado a recuperación podería ser moito mellor ou máis rápida", sinala o técnico.
En todo caso "é certo que cada día está un pouco mellor", sinalou en relación a un futbolista que "entendemos que é un xogador importantísimo que non pode estar máis tempo parado porque el agora vai necesitar dun tempo para coller a súa mellor forma e no tramo final debería ser un xogador que marque diferenzas".
A pesar destes desexos de verlle pronto vestido de curto, iso non sucederá esta semana na primeira xornada ligueira do ano fronte ao Palencia Cristo Atlético, xa que Ángel Rodríguez descartou a súa entrada na convocatoria e mesmo a puxo en dúbida para o seguinte encontro contra o Compostela o 23 de xaneiro, tras a semana de descanso fixada no calendario, aínda que para esa cita hai marxe coa esperanza de que supoña o seu esperado regreso a unha lista.
Relacionadas:
-
Rufo recibe a alta médica e empeza a adestrar co grupo
Por Diego Espiño |
-
Ángel Rodríguez: "Ha sido el partido más completo de la temporada"
Por Almu Dapena |
-
Remontada do Pontevedra ante o Cristo Atlético para empezar o ano cun sorriso (4-1)
Por Diego Espiño & Cristina Saiz |
-
O Pontevedra estrea o ano contra o Palencia mirando de esguello á covid: "Hai que coidarse moitísimo porque todo xoga"
Por Diego Espiño |
-
Reforzo invernal para o Palencia Cristo Atlético antes de medirse ao Pontevedra
Por Diego Espiño |
-
O Pontevedra publica os prezos da súa campaña de abonados para a segunda volta
Por Diego Espiño |
-
Sen cambios no Pontevedra á espera dunha nova rolda de test de covid
Por Diego Espiño |
-
A volta de Rufo, sen présa: "É certo que está a avanzar a súa recuperación pero é lenta"
Por Diego Espiño |
-
Rufo trata de acurtar prazos pero o adestrador asume que o seu regreso tardará, polo menos, tres semanas
Por Manu Otero |
-
A resonancia magnética descarta "fractura ósea aguda" no nocello de Rufo, pero estará varias semanas de baixa
Por Diego Espiño |
-
Rufo sofre unha escordadura de grao II no seu nocello
Por Diego Espiño |