Silvia Aguete volve dous anos despois á lista de nomeadas a mellor gardameta do mundo
Por Redacción
Dous anos despois de ser elixida como mellor porteira do mundo despois da súa excelente tempada 2019, Silvia Aguete volve verse entre as mellores.
A gardameta pontevedresa do Marín Futsal foi incluída na lista de 10 finalistas dos premios anuais que outorga o portal Futsalplanet, regresando ao selecto club de nomeadas tras caerse o curso pasado por mor das lesións que lle deixaron boa parte da campaña en branco.
Silvia venceu hai dous anos na votación á portuguesa Ana Catarina Silva e a brasileira Ana Carolina Caliari, segunda e terceira, xogadoras que tamén repiten na lista. Fíxoo cando defendía a meta do Poio Pescamar nunha campaña na que entre outros logros conseguiu o título de campioa continental coa Selección Española.
Ademais optan ao premio as tamén brasileiras Bianca Castagnaro, Joziane de Oliveira 'Jozi' (Burela) e Missiara Luiza Papst 'Missi', a italiana Angelica Dibiase, a ucraína Viktoria Sagaidachna, a rusa Maria Surnina e a irlandesa Farzaneh Tavasoli Sis.
SILVIA AGUETE NOMINADA!!
— Marín Futsal (@marin_futsal) January 10, 2022
Nuestra portera internacional @silviaagu12 fue nominada por @futsalplanet97 al premio como mejor portera del mundo 2021.
Enhorabuena Silvia, pase lo que pase, para nosotros siempre serás la mejor del mundo!! pic.twitter.com/IBdqfcFdAO
Relacionadas:
-
Silvia Aguete volve estar entre as mellores porteiras de fútbol sala do mundo
Por Manu Otero |
-
Derrota do Marín ante o Roldán a 30 segundos do final (2-1)
Por Redacción |
-
O Poio Pescamar dáse un festín para estrear o ano con vitoria sobre o Sala Zaragoza (5-1)
Por Almu Dapena & Cristina Saiz |
-
O Marín Futsal supera pola mínima á Concordia e avanza a cuartos da Copa da Raíña (1-2)
Por Almu Dapena |
-
O Marín Futsal pon o broche de ouro ao 2021 noqueando o Atlético Torcal (6-1)
Por Almu Dapena & Cristina Saiz |
-
Caridad García conclúe en cuarto lugar na votación do premio a mellor gardameta mundial
Por Redacción |
-
Silvia Aguete recibe meses despois o seu premio como mellor gardameta do mundo
Por Redacción |
-
Silvia Aguete, nomeada mellor gardameta do mundo: "Que la gente reconozca tu trabajo es un orgullo"
Por Diego Espiño |