Silvia Aguete volve estar entre as mellores porteiras de fútbol sala do mundo
Por Manu Otero
A gardameta do Marín Futsal, Silvia Aguete volve relacionarse entre as mellores xogadoras do mundo na súa posición. Dous anos despois de ser elixida mellor porteira do planeta, o portal especializado FutsalPlanet.com elixe á pontevedresa como a segunda mellor porteira do ano.
Aguete recibiu un total de 197 puntos e quedou a 50 tantos da gañadora do galardón, a portuguesa do Benfica Ana Catarina. En terceira posición, a 17 puntos da galega, quedou a brasileira Ana carolina Caliari.
A de Silvia Aguete non foi a única mención para o fútbol sala feminino galego nesta gala organizada polo portal especializado FutsalPlanet. com. O Burela foi elixido mellor equipo, Julio Delgado, adestrador do cadro lucense. é o mellor adestrador e a seleccionadora Claudia Pons, que sempre conta nas súas listas cunha elevada cota galega, é a mellor adestradora de seleccións do ano.
Desde o Marín Futsal non tardaron en felicitar á súa xogadora por este galardón. "Parabéns Silvia, pero para nós ti sempre serás a mellor do mundo", compartiron a través das redes sociais do club.
ÚLTIMA HORA
— Marín Futsal (@marin_futsal) January 18, 2022
Silvia Aguete nombrada segunda mejor portera del mundo 2021 en los premios @futsalplanet97
Enhorabuena Silvia, pero para nosotros tu siempre serás la mejor del mundo!! pic.twitter.com/yisW42FF1o
Relacionadas:
-
Silvia Aguete, Jenny Lores e Luci quedan sen Euro pola guerra en Ucraína
Por Redacción |
-
O Marín Futsal 'rasca' un punto na súa visita ao Leganés (2-2)
Por Redacción |
-
O Marín cae contra o Alicante e segue sen coñecer a vitoria este ano en liga (1-3)
Por Almu Dapena & Cristina Saiz |
-
Silvia Aguete volve dous anos despois á lista de nomeadas a mellor gardameta do mundo
Por Redacción |