O Teucro quere aproveitar a recuperación dos seus partidos pendentes para seguir escalando
Por Manu Otero
A pola segunda vitoria da tempada e a confirmación do cambio de tendencia e boas sensacións mostrado polo equipo azul no primeiro partido do ano no Municipal contra o Soria. que serviu para inaugurar a marcadora de triunfos. Con ese obxectivo viaxa o Teucro a Zarautz, unha cidade non só coñecida pola súa gastronomía e as súas boas ondas para a práctica do surf, tamén pola súa tradición balonmanística e polo bo xogo que está a despregar este ano o Amenábar, competidor directo do Cisne polo ascenso a Asobal.
"É un equipo potente na súa casa. Aínda que no verán perdeu xogadores, o rendemento que están a dar é extraordinario", advirte a adestradora teucrista, Irene Vilaboa, sobre o rival ao que se medirán este xoves a partir das 20 horas nun encontro correspondente á xornada 8 da División de Honra Prata que tivo que ser aprazado ao detectarse un positivo por covid-19 entre o persoal pontevedrés.
Coa disputa do primeiro dos tres partidos pendentes que teñen os azuis, inicia o Teucro un cargado calendario de partidos que obrigou ao club para adoptar medidas excepcionais para previr cansazo, fatiga e lesións. "Decidimos viaxar o día anteiror para estar máis descansados e porque dous días despois volveremos viaxar para o partido do Burgos", explica a preparadora.
A pesar do canso da viaxe por estrada, no vestiario teucrista respírase un ambiente distinto ao do pasado ano. "Animicamente estamos ben, a vitoria do sábado foi importante tanto por esperada como por necesaria. necesitabamos referendar os bos adestramentos que viñamos facendo e, dunha vez por todas, ensinar a que xoga o Teucro. Debemos seguir nesa linea", esixe Vilaboa, que despexa calquera ápice de relaxación ao sinalar que "a situación segue sendo complicada e aquí ninguén cre que por gañar un partido xa está algo feito".
Relacionadas:
-
Duelo no cume para o Cisne e outra longa viaxe para un Teucro en crecemento
Por Manu Otero |
-
Un combativo Teucro resiste no primeiro tempo en Zarautz pero desfallece no segundo (27-22)
Por Redacción |
-
Comezo de ano impecable para un Teucro que consegue a primeira vitoria en liga (33-22)
Por Almu Dapena & Cristina Saiz |
-
Mércores 2 de febreiro, nova data para o derbi pontevedrés entre o Cisne e o Teucro aprazado pola covid
Por Diego Espiño |