Aprazado o Guadalajara - Cisne por un gromo de covid-19 no conxunto manchego
Por Redacción
Non cesan os contaxios e o aprazamento de partidos en todos os deportes por brotes de covid-19 nos equipos. O último afectado é o Balonmán Guadalajara que notifica, por agora, un total de cinco positivos que fan imposible disputar o encontro en condicións de seguridade.
Solicitou o cadro manchego a suspensión do partido ao Comité Nacional de Competición da Real Federación Española de Balonmán. Ademais dos cinco casos confirmados, na súa petición incluían que varios integrantes do primeiro persoal e do corpo técnico presentaban síntomas compatibles coa covid-19.
Esta mañá de mércores, o ente federativo confirmou o aprazamento do encontro previsto para as 18.30 horas do 29 de xaneiro. Agora ambos os conxuntos deben atopar unha data, no menor tempo posible, para recuperar a xornada perdida.
Confirmado el aplazamiento del partido ante el @bmguadalajara. Pendientes de nueva fecha ¡Ánimo a todos los afectados! https://t.co/76F02tqZ2b
— Club Cisne Balonmano (@ClubCisneBalonm) January 26, 2022
É preciso lembrar que o Cisne ten aínda dous partidos pendentes: o derbi contra o Teucro correspondente á duodécima xornada, que se xogará o 2 de febreiro; e a visita ao Villa de Aranda da xornada once. Ambos os aprazados por positivos nos equipos rivais.
Relacionadas:
-
O pivote Nicolás Samudio, reforzo do Cisne para o tramo final de tempada
Por Redacción |
-
Cisne e Teucro póñense ao día nun derbi light
Por Manu Otero |
-
O Teucro rexorde con remontada e triunfo sobre a bucina no derbi contra o Atlético Novás (27-26)
Por Almu Dapena & Cristina Saiz |
-
Competición apraza o partido do Cisne ao detectarse un gromo de covid no seu rival, o Villa de Aranda
Por Diego Espiño |
-
Mércores 2 de febreiro, nova data para o derbi pontevedrés entre o Cisne e o Teucro aprazado pola covid
Por Diego Espiño |
-
Dous positivos por covid no Cisne e normalidade no Teucro na volta aos adestramentos
Por Redacción |