O TM Monte Porreiro asegura un ano máis a súa permanencia na Superdivisión Masculina
Por Redacción
A falta dunha xornada para a conclusión da primeira fase da liga na Superdivisión Masculina de tenis de mesa, o Monte Porreiro certificou a súa salvación matemática na máxima categoría.
Os pupilos de Nando Álvarez selaron a súa permanencia nunha xornada agridoce, xa que os problemas físicos penalizaron o seu rendemento na visita á pista do L'Escala barcelonés.
En Cataluña os pontevedreses só puideron conseguir un empate (3-3), tras ver como o seu xogador Miguel Vílchez resentíase dunha lesión no xeonllo cando gañaba por 2-0 a Iker González, perdendo o seu partido.
Pola súa banda no punto decisivo e con 2-3 a favor do Monte Porreiro, Nico Galvano tívose que retirar dando o definitivo 3-3 aos locais.
A pesar de non poder rematar un enfrontamento que tiña de cara, a permanencia un ano máis na Superdivisión supón todo un éxito para o club, que ademais se verá premiado coa disputa do play- off polo título de liga. Aí, sen presión polos resultados, todo o que chegue será benvido e celebrado ao grande nunha tempada xa de seu histórica polo debut do equipo en competición europea.
Relacionadas:
-
O TM Monte Porreiro despídese da Copa do Rei en cuartos de final
Por Diego Espiño |
-
Momento decisivo para o TM Monte Porreiro, co inicio do play-off polo título masculino e de ascenso feminino
Por Redacción |
-
Desvelado o camiño que lle espera ao TM Monte Porreiro no play-off polo título da Superdivisión
Por Diego Espiño |
-
Catro xogadoras do TM Monte Porreiro disputarán o Spain Master
Por Redacción |
-
O TM Monte Porreiro non pode co invicto líder Asisa Borges Vall (0-4)
Por Redacción |
-
Sesión de portas abertas do TM Monte Porreiro para celebrar o seu premio Cidade de Pontevedra
Por Redacción |
-
O TM Monte Porreiro cede un empate en San Sebastián de los Reyes tras un duelo de infarto (3-3)
Por Redacción |
-
O Tenis de Mesa Monte Porreiro rasca un empate fronte ao Arteal na primeira xornada de liga do ano
Por Redacción |