Prezos populares e invitacións a socios e deportistas federados para "o último baile" do Pontevedra polo ascenso
Por Diego Espiño
O Pontevedra Club de Fútbol presentou unha ambiciosa campaña para o seu último partido na casa da tempada, o que lle enfrontará ao Salamanca CF UDS (domingo 8 de maio, 12.00 horas) e no que pode certificar o ascenso de categoría. O obxectivo, que o Estadio Municipal de Pasarón rexistre unha gran entrada para apoiar o equipo no momento decisivo da tempada.
Co lema "O último baile" a entidade granate presentou unhas promocións que inclúen prezos populares nas entradas do público xeral e tamén a posibilidade de retirar unha invitación por socio.
Ademais, todos os deportistas federados da provincia menores de 19 anos terán acceso de balde á bancada de Preferencia.
No que respecta ao prezo dos billetes, fixouse en 10 euros na bancada de Tribuna e en 5 euros no resto de bancadas, coa excepción dos menores de 12 anos que terán acceso libre.
Os socios granates poderán retirar a súa invitación nas oficinas de Pasarón ata o vindeiro venres (9.00 a 14.00 e 16.00 a 19.00 horas) ou reservala para recoller en despacho de billetes enviando un correo electrónico a socios@pontevedracf.com.
As entradas pola súa banda poderán adquirirse anticipadamente nas oficinas do club, tamén mércores, xoves e venres no Café Savoy de 11.30 a 21.00 horas e en despacho de billetes o sábado de 11.00 a 14.00 horas e o propio domingo, día do partido, desde as 10.30 horas.
Relacionadas:
-
Pasarón festexa o ascenso 'virtual' do Pontevedra tras un sufrido empate contra o Salamanca (1-1)
Por Diego Espiño & Cristina Saiz |
-
A Boa Vila conxúrase para levantar o Pontevedra cara o ascenso
Por Almu Dapena & Cristina Saiz |
-
A afección do Pontevedra arroupa o equipo no adestramento previo ao partido ante o Salamanca
Por Almu Dapena & Cristina Saiz |
-
A baixa de Charles dá esperanza a un Salamanca que ve o partido "case como unha final"
Por Manu Otero |
-
Ángel Rodríguez: "Gustaríame que Pasarón estivese cheo e que a afección sexa ese xogador número 12"
Por Diego Espiño |
-
O Pontevedra e o Cisne, xuntos no seu obxectivo de ascender
Por Diego Espiño |
-
Rufo: "Queremos ascender canto antes e quitarnos este marrón de enriba"
Por Diego Espiño |
-
Competición rexeita o recurso pola amarela de Charles, que será baixa ante o Salamanca
Por Diego Espiño |
-
Siareirxs Granates empapela a cidade cunha mensaxe: "Este domingo enchamos Pasarón"
Por Manu Otero | Creada e actualizada
-
O Pontevedra recorre a tarxeta amarela vista por Charles contra o Ceares
Por Diego Espiño |
-
As contas do Pontevedra para saír campión, con dúas opcións e dependendo de si mesmo
Por Diego Espiño |
-
Charles saca dun problema o Pontevedra no 87 na casa do descendido Ceares (1-3)
Por Diego Espiño |