Siareirxs Granates empapela a cidade cunha mensaxe: "Este domingo enchamos Pasarón"
Por Manu Otero
Creada e actualizada
Creada e actualizada
En Pontevedra xa se respira o ambiente das grandes citas. O equipo de fútbol da cidade ten a oportunidade este domingo de conseguir o ascenso a Primeira RFEF derrotando ao Salamanca. A afección sábeo e o sentimento granate está en ebulición desde hai semanas. O obxectivo é claro: encher Pasarón. E a mensaxe está por todas partes.
Siareirxs Granates, o principal grupo de animación do Pontevedra, iniciou esta semana unha campaña de pega de carteis para animar a toda a cidadanía a acudir o domingo ao estadio.
Non é a primeira acción para arengar ás masas que realiza esta agrupación de afeccionados. Co falecemento de Cholo deseñaron un tifo en recordo do eterno capitán do Pontevedra, nos últimos desprazamentos mobilizaron a decenas de seareiros para viaxar co equipo e, semana tras semana, son os encargados de dar calor e cor ao templo do Lérez.
Conscientes de que o domingo máis que nunca a afección será o xogador número 12, os integrantes de Siareirxs Granates tomaron as rúas para recrutar a todos os granates. En Michelena, na Praza de España, na Avenida de Uruguai ou no parque infantil de Valentín García Escudeiro pegaron dous deseños de carteis con mensaxes moi claras.
"Xogándonos o que nos xogamos hai que tentar mobilizar a toda a xente posible para encher o campo. Hai moito tempo que o clube ten abandonado o eido social así que nas últimas semanas tentamos botarnos ese traballo ás costas a base de cartelería propia, previas, viaxes e demais. No caso este dos carteis, simplemente porque hai un par de anos que se perdeu o costume de sacar cartelería en físico e nós somos uns románticos deste tipo de cousas analóxicas", declaran representantes de Siareirxs Granates.
"Polo escudo, pola cidade, este domingo enchamos Pasarón", é a lenda dun cartel no que locen o escudo da cidade e do club co nome de Pontevedra en letras grandes. " Voltaremos! Apoia ao equipo dá túa cidade" é o outro deseño con imaxes de xestas históricas do club de fondo.
Non será a única iniciativa de cara a este transcendental partido. "Hai máis cousas pensadas tanto dentro como fóra do estadio, pero lóxicamente non queremos perder a exclusiva, que a xente ande atenta ás rúas e ás redes que irá habendo novidades antes do domingo", avisan.
Sae o sol na ribeira do Lérez e así amence a nosa cidade.
— Siareirxs Granates (@siareirxspcf) May 3, 2022
Porque o domingo xogamos todos, porque temos que dar o último pulo.
¡POLO ESCUDO, POLA CIDADE!#EnchamosPasarón pic.twitter.com/gLgoBiDRCr
A afección está a mobilizarse, o club oferta entradas a prezos reducidos. Agora é o momento de que a cidade responda e faga que Pasarón rexistra unha entrada como a das grandes citas.
Relacionadas:
-
Pasarón festexa o ascenso 'virtual' do Pontevedra tras un sufrido empate contra o Salamanca (1-1)
Por Diego Espiño & Cristina Saiz |
-
A Boa Vila conxúrase para levantar o Pontevedra cara o ascenso
Por Almu Dapena & Cristina Saiz |
-
A afección do Pontevedra arroupa o equipo no adestramento previo ao partido ante o Salamanca
Por Almu Dapena & Cristina Saiz |
-
A baixa de Charles dá esperanza a un Salamanca que ve o partido "case como unha final"
Por Manu Otero |
-
Ángel Rodríguez: "Gustaríame que Pasarón estivese cheo e que a afección sexa ese xogador número 12"
Por Diego Espiño |
-
O Pontevedra e o Cisne, xuntos no seu obxectivo de ascender
Por Diego Espiño |
-
Rufo: "Queremos ascender canto antes e quitarnos este marrón de enriba"
Por Diego Espiño |
-
Competición rexeita o recurso pola amarela de Charles, que será baixa ante o Salamanca
Por Diego Espiño |
-
Prezos populares e invitacións a socios e deportistas federados para "o último baile" do Pontevedra polo ascenso
Por Diego Espiño |
-
O Pontevedra recorre a tarxeta amarela vista por Charles contra o Ceares
Por Diego Espiño |
-
As contas do Pontevedra para saír campión, con dúas opcións e dependendo de si mesmo
Por Diego Espiño |