A Real Federación Galega de Fútbol confirmou o escenario no que se decidirán os campións da Copa Galicia de fútbol sala 2022, cunhas finais nas que estará presente o Poio Pescamar.

O conxunto conserveiro pelexará polo título autonómico fronte ao Ourense Envialia, nun duelo que se disputará no pavillón da Raña, en Marín, o Día das Letras Galegas, o vindeiro martes 17 de maio.

A final disputarase nun horario aínda por confirmar en función da retransmisión televisiva, nunha xornada que tamén contará coa final masculina na que participarán o Noia Portus Apostoli e O Parrulo Ferrol.

O Poio Pescamar gañou o seu posto na final da Copa Xunta tras superar na semifinal o Cidade das Burgas (1-2 na ida e 3-2 na volta), mentres que o seu rival, o Ourense Envialia, deixou na cuneta ao gran favorito, o Pescados Rubén Burela.