Vela, loita, balonmán praia e automobilismo no mes de xuño máis deportivo de Sanxenxo
Por Redacción
Sanxenxo prepárase par albergar en xuño ata catro probas deportivas de carácter nacional e internacional. O municipio dará o pistoletazo de saída a este calendario deportivo con In Common Sports, coñecido popularmente como Olimpíadas para Maiores os días 1, 2 e 3 de xuño.
Trátase un proxecto europeo impulsado desde a Facultade de Ciencias da Educación da Universidade de Vigo que ten como obxectivo motivar ás persoas maiores cara á práctica deportiva e a actividade física. Unha cita na que haberá participantes chegados de Portugal, Italia, Hungría, Bulgaria, España e Eslovenia.
O Real Club Náutico de Sanxenxo volverá ser o epicentro mundial de vela co Xacobeo 6 mR Worlds desde o 10 ao 18 de xuño. Unha cita que reunirá a unha multitudinaria frota que converterá de novo a Sanxenxo na capital internacional da vela, entre os participantes, embarcacións con bandeiras de Canadá, Estados Unidos, Finlandia e Alemaña.
As Series Mundiais de loita praia disputarán o 18 e 19 de xuño en Silgar o segundo dos catro torneos dos que consta a competición promovida pola Federación Internacional de Loita e a Federación Galega de Loita. Sanxenxo será a única sede española onde se dispute unha das probas do campionato. Estas series comezarán no mes de maio en Ucraína e tras a rolda sanxenxina continuará en Francia e Grecia, ambas en xullo.
No torneo está prevista a participación de preto de 200 deportistas de países como Croacia, Francia, Italia e España, aos que hai que sumar técnicos, árbitros, adestradores e acompañantes. A organización prevé un movemento de aproximadamente unhas 400 persoas.
O calendario deportivo de Sanxenxo sumará este ano o Campionato de España de Balonmán Praia que se celebrará os días 24, 25 e 26 de xuño na praia de Silgar. A organización prevé máis de 1.600 participantes procedentes desde distintos puntos de España. Deste xeito, o municipio que xa se converteu o pasado verán no cuartel xeral da selección española de balonmán para a súa preparación para os Xogos Olímpicos de Tokio 2020, continúa forxando lazos con esta disciplina deportiva.
Coincidindo en datas, o municipio acollerá a segunda edición do Rally de Pontevedra, unha proba a nivel provincial que xa tivo o ano pasado como sede Sanxenxo e que repetirá tras o éxito cultivado.
Relacionadas:
-
Víctor Senra revalida triunfo no Rally de Pontevedra
Por Almu Dapena & Cristina Saiz |
-
Sanxenxo vibra co balonmán praia
Por Redacción & Cristina Saiz |
-
Fin de semana de balonmán praia por partida dobre en Sanxenxo
Por Redacción |
-
Lydia Pérez cólgase o bronce nas series mundiais de loita praia
Por Almu Dapena & Cristina Saiz |
-
Silgar transfórmase en coliseo pola disputa das series mundiais de loita praia
Por Redacción |
-
Un proxecto europeo reúne 200 competidores nunhas "olimpíadas sénior" en Sanxenxo
Por Redacción |
-
Sanxenxo devolve a Galicia ao circuíto Arena Handball Tour de balonmán praia
Por Redacción |
-
Homenaxe municipal ao Interrías tras o seu ascenso á nova Terceira RFEF
Por Redacción |
-
Moraña verá pasar a cuarta edición do Rally de Pontevedra
Por Redacción |
-
Baltar busca estrelas de presente e futuro no primeiro Skate Open Rakayo
Por Redacción |