A EP Ciudad de Pontevedra, mellor club na Copa de España de Barco Dragón
Por Cristina Saiz & Redacción
O encoro do Pontillón do Castro en Verducido encheuse este sábado de barcos dragón coa disputa da II Copa de España da modalidade en distancia 500 metros.
A competición contou cunha inscrición de 350 deportistas de 12 clubs procedentes de Galicia, Madrid, Asturias, Valencia, Andalucía e Murcía. En total participaron 65 as embaraciones.
Pero de todas elas, as miradas estiveron especialmente postas na embarcación galega BCS (Breast Cancer Survivors) de mulleres que padecen esta patoloxía, xa que era a súa primeira participación nunha proba deste nivel.
E para ser a primeira vez que competían en algo así, conseguiron unha moi valiosa medalla de bronce que encheu de alegría a todo o equipo, chegando só por detrás das favoritas, as de Mariña Valencia, que foron primeiras, e de Ventos de Cartagena, que chegaron segundas.
En canto a clubs, o campión indiscutible da II Copa de España de Dragon Boat foi a EP Ciudad de Pontevedra con 239 puntos. Mentres tanto, o segundo posto foi para o CN Santa Lucía (214), o terceiro para o Real Círculo de Labradores (185), cuarto foi o Asturias Dragon Boat (157), quinto o Breogán do Grove (129) e sexto foi o CP Rías Baixas-Boiro (117).
O Top 10 completárono o RC de Regatas de Cartagena (108), o RCN Torrevieja (87), o Alberche Kayak Club (73) e o Mariña de Valencia (53). O penúltimo posto foi para o CD Piragüismo Sevidragón (44) e o último para a Club Escola Piragüismo Aranjuez (9).
Relacionadas:
-
A EP Ciudad de Pontevedra, campioa da primeira Copa de España de Barco Dragón
Por Redacción |
-
Medio milleiro de padexeiros fará vibrar as augas do Pontillón do Castro na Copa de España de Promesas
-
Doce pontevedresas diagnosticadas de cancro viaxan a Asturias para participar nunha competición de 'dragon boat'
Por Redacción |
-
As 'xóvenes promesas' do piragüismo galego quentan motores en Verducido para o Campionato de España
Por Redacción |
-
Diagnosticadas de cancro de mama e competindo na Copa de España de Barco Dragón de Piragüismo
Por Redacción |
-
Verducido, sede prioritaria un ano máis no calendario de competición da Federación Española de Piragüismo
Por Diego Espiño |