Os danos sufridos na súa bicicleta durante a súa viaxe a Canadá non frean as ganas e a ambición de Pablo Dapena ante o reto maiúsculo que supón a súa participación na carreira organizada pola PTO (Organización de Triatletas Profesionais) en Edmonton.

"Non foi a mellor preparación a esta competición nin tampouco esta semana está a ser fácil por todos os problemas carrexados por Air Canada pero aquí estamos, rodeado dos mellores e con ganas de ver ata onde podemos chegar", explicou o pontevedrés a poucas horas poñerse o dorsal e estar na liña de saída.

...y con ganas de ver hasta donde podemos llegar.

La carrera será el domingo @DAZN_ES @Eurosport_ES
12.45 horario Edmonton 
20.45 horario de España  pic.twitter.com/2qHo0OAixp

— Pablo Dapena Gonzalez (@pablitopiny) July 22, 2022

Xunto a é estarán moitos dos grandes nomes de panorama internacional, como os noruegueses Kristian Blummenfelt e Gustav Iden, o canadense Lionel Sanders, o xermano Patrick Lange ou o británico Alistair Brownlee, entre outros.

A nómina de aspirantes é alta nunha carreira que contará con importantes premios grazas a unha bolsa dun millón de dólares, cunha recompensa de 100.000 dólares ao vencedor pero tamén con cantidades importantes para os seguintes da clasificación: 70.000, 50.000, 40.000, 35.000, 30.000, 25.000, 20.000, 18.000 e 16.000 dólares para os dez primeiros.

A carreira da PTO de Canadá, cunha distancia de 2.000 metros de natación, 80 quilómetros de ciclismo e 18 quilómetros de carreira a pé, dará comezo ás 20.45 horas do domingo 24 (hora española).