Támara Echegoyen e Paula Barceló conseguen a medalla de bronce no mundial de 49er FX
Por Manu Otero
Medalla de bronce para a regatista pontevedresa Támara Echegoyen e a súa compañeira, a mallorquina Paula Barceló, no campionato do mundo da clase 49er FX que acaba de concluír este luns en augas de Halifax, en Canada.
A regularidade exhibida polo barco español ao longo das seis xornadas de competición resultou crucial para terminar en postos de medalla. Só as holandesas vixentes campioas de Europa Odile van Aanholt e Annette Duetz, intratables durante toda a semana sen un só día malo; e as suecas Vilma Bobeck e Rebecca Netzler puideron facer sombra á parella española.
BRONCE MUNDIAL
— RFEV | Real Federación Española de Vela (@oficial_rfev) September 5, 2022
Támara Echegoyen y Paula Barceló ganan la medalla de bronce en el mundial de 49er FX
¡Enhorabuena! pic.twitter.com/sbrXENSiZn
O inicio do mundial xa daba razóns para o optimismo. Tras as dúas primeiras xornadas, Echegoyen e Barceló xa estaban asentadas no podio. Da zona nobre non as apeou nin unha mala regata na que terminaron no posto 24, o seu peor resultado ao longo das 17 mangas disputadas.
Malia que gozaban dunha cómoda vantaxe sobre as súas perseguidoras, dous décimos sextos postos e un décimo noveno fixo á parroquia española temer polas medallas, pois a parella nacional pedera momentáneamente o o seu posto de podio en favor da embarcación británica, que nas xornadas decisivas foi incapaz de manter o nivel.
Ao longo da fin de semana, Echegoyen e Barceló recuperaron o seu mellor nivel. De feito, despediron a xornada dominical cun primeiro posto na antepenúltima manga que practicamente aseguraba a medalla de bronce.
Na última xornada, dar caza a calquera das dúas embarcacións podería catalogarse de milagre. Non ocorreu, Echegoyen e Barceló asinaron un sexto posto na última regata e un oitavo na medal race que certificaban un novo éxito internacional para unha parella que parece superar o pau que supuxo quedarse a un só punto do bronce olímpico.
Relacionadas:
-
Bo arranque de Támara Echegoyen no Mundial 49erFX de Lanzarote
Por Diego Espiño |
-
Támara Echegoyen colga o bronce no Europeo de Vilamoura
Por Diego Espiño |
-
A Federación Española confirma a praza olímpica de Támara Echegoyen para París 2024
Por Diego Espiño |
-
Támara Echegoyen e Paula Barceló clasifican a España para os Xogos Olímpicos de París
Por Diego Espiño |
-
Echegoyen e Barceló, oitavas no Mundial de vela a falta de seis mangas por disputarse ata a Medal Race
Por Almu Dapena |
-
Achegarse a París 2024, reto de Támara Echegoyen no Mundial de Vela da Haia
Por Redacción |
-
Bo inicio de Támara Echegoyen e Paula Barceló no Mundial 49er FX de Canadá, terceiras tras dúas xornadas
Por Redacción |
-
Támara Echegoyen e Paula Barceló rozan a medalla no Europeo de 49erFX
Por Redacción |