Jon Bakero pide confianza no Pontevedra: "Temos que crérnolo. Só falta marcar un gol e que se abran un pouco as portas"
Por Diego Espiño
Aos seus 25 anos Jon Bakero aterrou esteverano no Pontevedra como un dos reforzos destacados do equipo granate para o seu asalto á Primeira RFEF, tras o seu paso polo Slavia Sofía ou as ligas estadounidense e canadense, e a súa presenza no equipo foi crecendo ata sumar dúas titularidades consecutivas, aínda que "os últimos resultados non foron os que queriamos, esperabamos sacar algo máis de puntos e creo que podiamos", defende.
O atacante en todo caso mantén que "a xente está con confianza estamos, adestrando ben e sabemos que estamos a facer moitas cousas ben", polo que pide un voto de confianza.
Bakero cre nas posibilidades do plantel. Tanto é así que "só falta marcar un gol e que se abran un pouco as portas", asegura, xa que "temos grandes xogadores e temos que crérnolo. Temos un equipo para soñar nesta categoría".
En canto ao seu papel "aos poucos voume sentindo mellor, síntome cómodo dentro do campo, xa teño moi claro o rol que teño que asumir", polo que "é cuestión de tempo que un día entre unha, porque creo que estou nos sitios que teño que estar a nivel ofensivo".
O 19 granate notou, iso si, o salto á liga española. "Estou moi sorprendido polo nivel, pero ao final España é un país de fútbol e nótase", explica tras comprobar que "esta liga é moi dura, os equipos aquí en España están moi traballados tácticamente e os xogadores teñen un grandísimo nivel, todos os equipos teñen xogadores que levan moitos anos en Segunda B ou estiveron en Segunda e Primeira e ao final sacar puntos nesta liga é moi difícil".
Para sobrepoñerse a esas dificultados "o único camiño é o traballo", afirma convencido de que os resultados chegarán. Nin sequera asústalle a espectacular xeira positiva do próximo rival, o Linares, con 19 encontros sen perder no seu estadio. "Os equipos son moi duros nesta categoría, pero os récords e os números están para rompelos. Nós temos que enfocarnos no noso traballo, en mellorar e en seguir confiando no noso estilño de xogo. No fútbol nada é imposible, temos que ir alí crendo que se pode gañar e traer os tres puntos para Pontevedra".
Unha cidade a Boa Vila por certo que "me sorprendeu moitísimo, en positivo. Estou súper feliz do trato desde que cheguei, da cidade, de vivir aquí. A xente abriume as portas e estoulles moi agradecido", sinala Jon Bakero sen esquecerse dunha afección que "sempre que xogamos na casa axúdannos unha chea, de feito na casa non perdemos e así ten que seguir toda a tempada", avanza. Antes chegará un novo reto a domicilio, pero tómallo coa ambición que lle caracteriza tentando devolver a confianza recibida pola entidade granate. Ten dúas tempadas por diante para conseguilo.
Relacionadas:
-
Traducir as "boas sensacións" en puntos, obxectivo do Pontevedra para recibir o Celta B
Por Manu Otero |
-
Un Pontevedra máis agresivo e ordeado visita o inexpugnable Linarejos
Por Manu Otero |
-
Linarejos, o fortín que espera o Pontevedra tras case un ano sen caer na liga
Por Diego Espiño |
-
A Primeira RFEF 'seca' a efectividade goleadora do Pontevedra
Por Diego Espiño |
-
Antonio Fernández: "Con este resultado non podes explicar que fixeches as cousas ben"
Por Almu Dapena |
-
O contragolpe do Mérida noquea o Pontevedra (2-0)
Por Almu Dapena |