O enchido da piscina olímpica, á espera de que "ENCE nos diga cando nos pode dar enerxía calorífica"
Por Diego Espiño
Recuperada a actividade co inicio de curso no mes de setembro, aínda que limitada ao vaso pequeno de 25 metros, o Complexo Deportivo Rías do Sur de Ponte Muíños segue á espera de poder completar o seu proceso de reapertura para os clubs e deportistas federados da cidade.
Unha vez levantada a prealerta de abastecemento de auga tras as últimas choivas e finalizadas as obras de mantemento realizadas na instalación, a Fundación Rías do Sur espera agora por un último aspecto antes de acometer o enchido do vaso da picina olímpica
"Estamos a esperar a que ENCE nos diga cando nos pode dar enerxía calorífica", recoñece o presidente da Fundacion Rías do Sur, Héctor Vilariño.
Por ese motivo mírase de esguello á fábrica pasteira e á volta ao seu traballo, porque mentres non se garanta o quecemento da instalación "sería encher para estar a tratar a auga inúltilmente", afirma o responsable da Fundación.
"No momento que nos poidan achegar enerxía nós encheremos o vaso", incide Vilariño coa esperanza de que "esta semana nos poidan dicir cando", aínda que non se prevé o enchido en todo caso "nin esta semana nin para a seguinte".
O que si finalizaron son as obras de mantemento acometidas durante as últimas semanas. "Tanto o sistema hidráulico como o encintado do vaso está listo. Quédanos unha pequena mellora da climaticación pero nada máis", o que non afectaría ao enchido no momento no que se garanta contar coa enerxía necesaria. Só así poderá recuperar a actividade plena unha instalación cualificada como de estratética para o deporte pontevedrés.
Relacionadas:
-
Os clubs xa gozan da piscina olímpica, que será accesible para toda a cidadanía "en setembro ou outubro"
Por Diego Espiño |
-
Reunión entre o PP e os clubs afectados polo peche de Rías do Sur para "buscar solucións conxuntas"
Por Redacción |
-
Vida extra ata final de ano para evitar o peche de Rías do Sur
Por Diego Espiño |
-
O Concello tende a man a un acordo para manter aberto Rías do Sur: "Pola nosa parte non vai quedar"
Por Diego Espiño |
-
Rías do Sur volve pechar ao non poder facerse cargo a Fundación "do groso dos gastos que conleva"
Por Diego Espiño |
-
Rías do Sur, en xaque pola seca... e pola situación de ENCE
Por Diego Espiño |
-
Tensa espera para os traballadores de Rías do Sur tras o acordo para poñer fin á concesión de Supera
Por Diego Espiño |
-
Supera renuncia á concesión de Rías do Sur tras asinar un acordo extraxudicial coa Fundación
Por Diego Espiño |
-
A seca frea a reapertura de Rías do Sur: "Non encheremos a piscina ata que a situación cambie"
Por Diego Espiño |