Pontevedra dá a coñecer entre os deportistas en Abu Dhabi a Gran Final das Series Mundiais de 2023
Por Redacción
Dar a coñecer a Gran Final das Series Mundiais de 2023 que se celebrarán na Boa Vila é un dos principais obxectivos da delegación pontevedresa desprazada estes días a Abu Dhabi para recoller a testemuña do evento na proba que pecha a tempada do circuíto internacional deste ano.
A representación encabezada polo alcalde, Miguel Anxo Fernández Lores, e o deputado provincial Gorka Gómez, intercambiaron impresións con triatletas de elite como o vigués Antonio Serrat ou o medallista olímpico Jonathan Brownlee, que confirmou a súa intención de volver competir en Pontevedra o próximo ano, tal e como fixo máis veces ao longo dos últimos anos.
En canto a Serrat, con base habitual de traballo no Centro Galego de Tecnificación Deportiva, "vai estar en Pontevedra salvo catástrofe porque é galego e conta con poder gozar deste evento que promete ser toda unha experiencia para moita xente", sinalou Lores desexándolle xunto ao deputado provincial sorte para a Gran Final deste ano.
A campaña promocional posta en marcha polo Concello en Abu Dhabi fai, sinala o goberno local, que sexa sinxelo atoparse con xente con material promocional de Pontevedra 2023 como pulseiras, chapas, folletos ou revistas, e é que "o Loro Ravachol espérate en Pontevedra", sinala a promoción.
Entre as impresións recollidas, explican desde o emirato, é que entre deportistas e adestradores lémbrase de bo grado o ITU Multisport 2019 celebrado na Boa Vila.
Relacionadas:
-
Presentación de Pontevedra no World Triathlon Congress 2022 de Abu Dhabi
Por Redacción |
-
Actividades culturais, de lecer e turísticas completarán a programación da Gran Final das Series Mundiais de Tríatlon
Por Diego Espiño |
-
A Gran Final das Series Mundiais de Tríatlon pon o cartel de completo nos hoteis da comarca a 10 meses vista
Por Diego Espiño |
-
Pontevedra recollerá en Abu Dhabi a testemuña da Gran Final das Series Mundiais de Tríatlon
Por Almu Dapena |
-
A Gran Final das Series Mundiais en Pontevedra xa ten datas: do 20 ao 24 de setembro de 2023
Por Diego Espiño |