A afección do Racing de Ferrol prepara o seu desembarco en Pontevedra
Por Redacción
O Estadio Municipal de Pasarón recibirá o vindeiro domingo 4 de decembro (17.00 horas) o primeiro desprazamento importante de afeccionados visitantes do que vai de tempada, co derbi que enfrontará o Pontevedra Club de Fútbol co Racing de Ferrol.
A Federación de Peñas do club ferrolán confirmou que ao redor de 300 seguidores contaban xa a última hora do mércores con entrada para o encontro. A iso súmanse os aficonados particulares interesados en acudir ao choque, e que poden adquirir os seus billetes directamente por internet ou o propio domingo no despacho de billetes de Pasarón.
Confirmamos la presencia de alrededor de 300 peñistas en Pontevedra, apoyando a nuestro @racingferrolsad
— FDP Racing de Ferrol (@fdpracingferrol) November 30, 2022
La ilusión sigue intacta. Os esperamos a tod@s a nuestro lado en Pasarón.
Esto es Ferrol
O groso da afección do Racing será colocada na bancada superior do Fondo Sur.
Esta presenza de afeccionados visitantes garante un auténtico ambiente de derbi para un choque imporante para os dous equipos. No caso do Pontevedra, en plena recuperación, para tentar saír dos postos de descenso, mentres que para o Racing de Ferrol para tentar deixar atrás unha serie de cinco xornadas sen gañar que lle fixeron caer fóra da zona de play-off tras un espectacular inicio de competición.
O prezo das entradas para o derbi mantense sen cambios con respecto a outras xornadas de liga do Pontevedra, con billetes a 25 euros en Tribuna, 20 euros en Preferencia e 15 euros nos fondos para o público adulto. Os menores de entre 6 e 16 anos pagarán 15 euros en Tribuna e 10 euros no resto de bancadas e os menores de 6 anos contarán cunha entrada única de 5 euros.
ENTRADAS X.14 | Xa podes mercar a tua entrada para o derbi entre o Pontevedra CF e o @racingferrolsad do próximo domingo‼️
— Pontevedra CF (@PontevedraCFSAD) November 29, 2022
A venda nas oficinas, online, ou en taquilla o día de partido
Domingo 4
17:00
@racingferrolsad
Pasarón #IzandoVelas #HaiQueRoelo pic.twitter.com/Ic7XmmiRIC
Relacionadas:
-
O Racing de Ferrol rompe a imbatibilidade do Pontevedra en Pasarón (0-2)
Por Almu Dapena & Cristina Saiz |
-
Cristóbal Parralo, sobre a imbatibilidade do Pontevedra en Pasarón: "As estatísticas están para rompelas"
Por Almu Dapena |
-
Antonio pide un un esforzo á afección do Pontevedra: "Non hai escusa para non achegarse a Pasarón"
Por Diego Espiño |
-
Preocupación no Pontevedra pola lesión de Ángel Bastos no primeiro adestramento da semana
Por Diego Espiño |
-
Charles, tras o seu record goleador co Pontevedra: "Oxalá teñamos un mozo da canteira batendo esa cifra"
Por Diego Espiño |
-
Charles e un gol que pasa directo á historia do Pontevedra Club de Fútbol
Por Diego Espiño |
-
Antonio Fernández: "Hoxe estivemos ben, levamos o balón por fóra e os balóns que metemos foron correctos"
Por Redacción |
-
O Pontevedra vence e convence en Ceuta para facerse coa súa primeira vitoria a domicilio en liga (1-2)
Por Almu Dapena |