Xornada clave para un Cisne que recupera efectivos
Por Redacción
Momento importante para o futuro do Club Cisne Balonmán na Liga Asobal.
Tras semanas complicadas pola praga de lesións que afectou o plantel pontevedrés e nas que encadeou sete derrotas consecutivas, o conxunto adestrado por Javier Márquez visita este venres 2 de decembro (20.30 horas) a pista dun rival directo pola permanencia como é o BM Guadalajara.
A pesar da súa mala serie o Cisne mantense con 6 puntos fóra da zona de descenso directo, pero só avantaxa nun punto ao seu próximo rival, que pecha a táboa.
A nota positiva para os pontevedreses é a recuperación de efectivos para as dúas finais que restan antes do parón, e é que ademais do regreso ás pistas de Bruno Vázquez e Román Arboleya na última xornada de liga, Gabriel Cavalcanti recibiu a alta médica tras semenas fóra de combate por unha rotura dos ósos do nariz.
Co regreso do portugués e esperando melloría no estado dun tocado Alejandro Conde, Márquez suma bazas especialmente para a liña defensiva, moi mermada no centro do 6-0 por estas lesións e a de Iván Calvo.
Unha dose extra de moral para un plantel cisneísta centrada en tentar sumar puntos como autoregalo de Nadal.
Relacionadas:
-
Cruz para o Cisne, que puido obrar unha remontada heroica no último segundo (32-33)
Por Manu Otero & Cristina Saiz |
-
Kilian Ramírez, o heroe dun Cisne que quedou a un palmo do triunfo en Guadalaxara (24-24)
Por Almu Dapena |
-
Festa no Pavillón Municipal coa visita do Barcelona ao Cisne (25-43)
Por Almu Dapena & Cristina Saiz |
-
Alejandro Conde, apercibido polo Comité de Competición por desconsideración aos árbitros
Por Diego Espiño |
-
O Cisne planta cara a un Valladolid que o castigou nos minutos finais (35-31)
Por Almu Dapena |