Toni Otero colle o temón do Pontevedra
Por Manu Otero
Máis dun día despois do atropelado cesamento do xa exentrenador do Pontevedra, Antonio Fernández, o club de Pasarón fai oficial o nomeamento do director deportivo, Toni Otero, como novo responsable do banco granate.
O artífice da confección do plantel, que xa se postulou no verán a dirixir o primeiro equipo, era o principal candidato a coller o temón dun equipo que parece navegar irremediablemente cara ao abismo da Segunda Federación.
Con todo, tras comunicar o despedimento do técnico ourensán sen confirmar quen sería o seu substituto. A sorpresa chegou no adestramento da mañá do xoves, no que Sergio Moreira, segundo adestrador do equipo, xunto cos demais compoñentes do corpo técnico, encargouse de dirixir a sesión.
Mentres tanto, desde a directiva do club gardaban silencio e Toni Otero permanecía nas oficinas do estadio sen acudir, como afacía durante toda a tempada, a presenciar o adestramento do equipo.
Finalmente, o técnico vigués será o encargado de sentar no banco no partido do domingo fronte ao Linense. Farao, iso si, coa única bagaxe de dirixir ao equipo nunha soa sesión e coa urxente necesidade de conseguir os tres puntos.
Pola súa banda, desde o consello de administración non precisan se o manterán no cargo ata final de tempada ou se, pola contra, trátase dun nomeamento provisional á espera da chegada dun novo adestrador.
Relacionadas:
-
Nova medida de Toni Otero: Pechadura á prensa
Por Diego Espiño |
-
O Pontevedra encaixa a súa maior goleada das dúas últimas tempadas no debut de Toni Otero como adestrador
Por Manu Otero |
-
A Balona golea a un Pontevedra tocado e afundido (3-0)
Por Almu Dapena |
-
Primeira medida da era Toni: o segundo adestrador, Sergio Moreira, apartado
Por Manu Otero |
-
Toni Otero: "Confío cegamente neste plantel, é competitivo para non estar onde está"
Por Manu Otero |
-
O Pontevedra segue sen adestrador e o corpo técnico de Antonio Fernández dirixe o adestramento
Por Manu Otero |
-
O Pontevedra despide o adestrador Antonio Fernández
Por Manu Otero |