O Farto completa a primeira proba dunha tempada na que aspiran a ser protagonistas
Por Redacción
A tempada 2023 xa está en marcha para o equipo Farto, o único equipo feminino de Galicia que compite no circuíto profesional.
As corredoras estiveron o pasado 29 de xaneiro en Andalucía para participar na carreira Costa de Almería. Unha proba de 135 quilómetros con tres pasos por altos de montaña, dúas de terceira e un de segunda categoría.
O triunfo foi para a italiana Arianna Fidanza do Ceratizit, que venceu no sprint á danesa do Movistar Emma Nordsgaard. Sandra Alonso, tamén do Ceratizit, foi a española mellor clasificada cun quinto posto.
Mentres que no Farto danse por satisfeitos co papel realizado por todo o equipo, especialmente co da checa Veronika Jandova, que cruzou a meta formando parte do pelotón principal a 1:42 da gañadora.
#WomenCyclingProCostadeAlmeria
— Team Farto - BTC (@EquipoFarto) January 30, 2023
Primera toma de contacto completada! A pesar de que el día se complicó con algunas caídas, pudimos solventarlo sin problemas con @VeronikaJandov2 cerca del primer grupo.
Esto solo acaba de empezar
@patricefouques#BeTheChange pic.twitter.com/wHUdbXLeM5
As sete corredoras seleccionadas polo equipo pontevedrés para iniciar a tempada foron Lina Svarinska, Azulde Britz, Mandana Dehgan, Agata Flis, Ariadna Gutiérrez, Veronika Jandova e a española Alicia Crespo.
"Isto só acaba de empezar", compartiron nas redes do equipo despois de completar a primeira proba dun calendario no que o equipo Farto aspira a ser protagonista, igualar os resultados da pasada campaña e volver competir como xa ocorreu no 2022 na Volta a España.
Ampliar a nómina de ciclistas galegas no circuíto profesional e que a canteira do ciclismo feminino en Galicia siga crecendo é outra das grandes metas do club a longo prazo.
Relacionadas:
-
Triplo top 10 para o Supermercados Froiz nunha intensa fin de semana
Por Manu Otero |
-
O Farto pon a proba o seu potencial para o calendario internacional na primeira proba da Copa de España
Por Redacción |
-
O ciclismo de máis alto nivel volve ás Rías Baixas 18 meses despois
Por Manu Otero & Álvaro Arosa Barco |
-
O Farto segue sumando quilómetros nun prometedor inicio de tempada
Por Redacción |
-
Alicia Crespo e Mandana Dehghan, dobre incorporación para o Team Farto
Por Redacción |
-
Primeiras renovacións nun Farto-BTC que dobra a súa estrutura feminina para 2023
Por Redacción |
-
O Team Farto inicia os trámites para renovar a súa licenza UCI Continental
Por Redacción |